Thursday , November 23 2017
Home / Eleisaun Parlamentar / Zeronimo: Asesora STAE Obriga Benjamin Vota Iha Bidau Santa-Ana
Polling Staff husi sentru votasaun suku Metiaut halao hela prosesu kontagen de votu.[Foto: Zinho MD | TAFARA.ORG | 22.07.2017]

Zeronimo: Asesora STAE Obriga Benjamin Vota Iha Bidau Santa-Ana

Asesora husi parte apoio Teknika STAE obriga ami hodi bele autoriza senhor ida ne’ebe halo resensiamentu iha Portugal, hodi bele vota iha sentru votasaun ne’ebe mak laos nia resensia ba.

Brigada hosi sentru votasuan Bidau Santa-Ana Zeronimo Tavares husi sentru votasaun Bidau Santa-Ana, Zeronimo Tavares lamenta ho situasaun ne’ebe mak Asesora Apoio Teknika husi STAE, Iri Sofia hodi ezizi Brigada sentru votasaun hodi autoriza ema ne’ebe laos resensiamentu eleitoral iha suku ne’ebe nia atu vota ba.

“iha Senhora Asesora ida husi parte apoio Teknika STAE nian obriga ami hodi bele autoriza senhor ida ne’ebe halo resensiamentu iha Portugal, hodi bele vota iha sentru votasaun ne’ebe mak laos nia resensia ba, tamba tuir treinamentu ne’ebe ami hetan katak sidadaun ne’ebe naran la tama iha lista, nia labele ba vota tamba nia la halo resensiamentu iha suco ne’ebe nia hela. nune’e ami la autoriza senhor ne’e hodi bele vota iha centru ne’e, maibe senhora ne’e obriga los hodi ami bele fo tempu ema ne’e vota, at liu mak nia ameasa lori PNTL no F-FDTL hodi bele kaer hau”, esplika Brigada Zeronimo Tavares.

Iha parte seluk Jornalista TAFARA.TL halo konfirmasaun ho Diretor Geral STAE Acelino Manuel Branco esplika katak, Lei hateten lolos kabe ba iha Prezidente iha sentru votasaun no Sekretaria sentru sira mak bele halo intervensaun.

“sim informasaun ne’e hau mos rona maibe ladun apar liu saida mak akontese iha ne’eba, senhora ne’ebe halo interven iha ne’eba lolos labele, tamba lei hateten lolos kabe ba iha Presidente iha sentru votasaun no Sekretaria sentru sira mak bele halo intervensaun, foti desizaun atu bele foti medida ruma ba situasaun balun ne’ebe mak akontese iha prosesu tomak”, Esplika Acelino.

Diretor Geral ne’e mos hatutan liu tan katak prezensa senhora nian iha sentru votasaun refere legalmente admite para bele fo asistensia ruma karik iha liu aspetu logistika, mais laos atu interven ba iha prosesu ne’e rasik, tamba prosesu ne’e kabe ba liu ba Presidente da meza.

To ikus informasaun ne’ebe jornalista TAFARA.TL rekolha katak, votante ho naran Benjamin resensiamentu eleitoral Portugal la konsege vota iha sentru vitasaun Bidau Santa-Ana, tanba brigade sira la autoriza hodi vota.

Tuir observasaun husi Jornalista TAFARA.TL eleisaun lao normal iha sentru votusaun Bidau Santa-Ana liu liu iha postu administativu Cristo Rei tamba hetan seguransa masimu husi Polisia Nacional Timor-Leste.* [Jesuino Marcal de Jesus | TAFARA.TL | Editor: Zevonia Vieira | 22.07.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

AMP Ezizi Prezidente Parlamentu Hodi Tau Mosaun Sensura Iha Agenda ho Karakter Urjensia

Aliansa Maioria Parlamentu (AMP) hatama karta ba Presidente Parlamentu hodi konvoka reuniaun lideransa partidu hodi …

Leave a Reply

Your email address will not be published. Required fields are marked *