Wednesday , June 19 2019
Home / Eleisaun Parlamentar / Elizita: CASDT Fo Prioridade Desportu Ba Joven Feto no Mane
Atletismu Joven Timor-Leste Partisipa iha Olimpiku Rio de Janeiro Brazil 2016.[Foto: pt.globalvoices.org].

Elizita: CASDT Fo Prioridade Desportu Ba Joven Feto no Mane

Dezenvolve kapasidade atu sai matenek, eskola boot sai tekniku ne’ebé di’ak, bele sai desportista ne’ebe di’ak, atu kompete mos iha mundu internasional bele moris mos liu husi desportu.

Lia fuan ne’e hato’o hosi Prezidente PArtidu CASDT, Gil da Costa Alves, liu hosi komprimisu politika ba kampanna ikus ne’ebe realiza iha Taibesi iha loron 19/07.

“Ha’u nia apelu ho domin tomak nu’udar Timor oan, hau nia domin tomak hamutuk ho Timor oan hotu ho domin ita sei halo buat barak, kbiit laek ita sei haree, joven sira ita sei dezenvolve sira nia kapasidade, atu sai matenek, eskola sai tekniku ne’ebé di’ak atu sai desportista ne’ebe di’ak, atu kompete mos iha mundu internasional, bele moris mos liu husi desportu”, esplika Gill Alves.

Eis Ministru MCI ne’e mos haktuir tan katak, desportu laos deit football no basketball maibe arte marsiais mos hanesan desportu ida ne’ebe bele hahi rai nia naran ba mundu internasional.

Iha sorin seluk Prezidente Mulher Partidu CASDT, Elizita Baptista ba jornalista TAFARA.TL hateten, CASDT iha nia programa prioridade ne’ebe mak promove desportu ba joven feto no mane liu husi kria fatin desportu sira.

“Programa kona ba feto nian, kona ba suku, ami sei haree mos joven sira kona ba bola, loke lapangan ba feto ho mane. Belun feto sira atu nune’e bele haka’as an nafatin, atu nune’e bele ukun mos nasaun ida ne’e tanba direitu feto makas tebes. Ita feto mos iha direitu atu ukun nasaun, tanba komesa tinan hira ba kotuk feto mós fo nia an tomak, feto mós iha direitu, tanba luta hodi hetan independensia ukun an ida ne’e feto mos luta”, hateten Elizita.

Vice Prezidente Partidu CASDT, Belarmino Neves, liu husi nia diskursu hateten katak, Partidu CASDT iha prinsipiu tolu ne’ebe kuda metin iha nia prinsipiu politika wainhira kaer ukun, primeiru mak hakarak hametin unidade nasionál, la iha lorosa’e, laiha loro monu, laiha firaku no laiha kaladi, hotu-hotu Timor oan de’it. CASDT hakarak servisu hamutuk ho entidade governu no iha parlamentu nasonál depois eleisaun atu buka oinsa kria kampo de trabalhu, hodi ema hotu bele servisu, agrikultor sira mos ita tenke kria kondisaun ida nebe’e diak atu nune’e hasa’e produsaun.

Iha kampaina eleitoral partidu CASDT ne’ebe hala’o iha Munisipiu Dili, maske tuir observasaun jornalista TAFARA.TL lahetan partisipasaun husi entidadades seguransa, maibe kampanna lao hakmatek to’o remata.

Kampanna ne’e observa direita husi observador nasional. Kampanna ba dala ikus partidu ho numeru sorteiu 19 ne’e, hala’o iha Postu Administrativu Vera Crus, suku Taibesi iha loron 19/07.* [Emanuel Andrade de Araújo | TAFARA.TL| Editor: Zevonia Vieira | 19.07.2017].

About Emanuel Andrade

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *