Thursday , February 21 2019
Home / Sosial & Politika / Ema Uza SosMed Hatoo Lia Bosok no Hatete At, Lú Olo: Presiza Aprova Lejislasaun Ruma, Hodi Proteje Orgaun Soberania
Prezidente da Republika, Dr. Francisco Guterres Lú Olo hato deskursu iha abertura loron nasional veteranu iha CCD. [Foto: Media PR | 02.03.2018]

Ema Uza SosMed Hatoo Lia Bosok no Hatete At, Lú Olo: Presiza Aprova Lejislasaun Ruma, Hodi Proteje Orgaun Soberania

Mundu digital ne’ebe mak agora ema iha mundu tomak utiliza, hosi espresaun sira nia hanoin, liu hosi sosial media, liu-liu facebook ne’ebe sidadaun Timor barak asesu, ho situasaun politika ne’ebe agora akontese dadauk, dala barak facebooker sira [ema sira ne’ebe uza facebook. Red] uza salah sosial media ba sira nia interesse, ne’ebe hamosu odio, viganza no lia falsu.

Ho situasaun refere Prezidente da Republila, Dr. Francisco Guterres Lú Olo, hatoo deskursu iha uma fukun parlamentu nacional katak ema sira ne’ebe uza komunikasaun sosial, meiu eletroniku sira, hodi hatete at no foti lia bosok hasoru Prezidente da Republika, la hatudu respeitu ba lia los no ba orgaun soberania no nia titular sira.

Prezidente Lú Olo apela ba membru parlamentu sira no governu, hodi propoin no aprova lejislasaun ruma ne’ebé bele proteje liután órgauns soberania no titular sira, inklui Prezidente Repúblika.

“Importante kriminaliza difamasaun, kalúnia, boatu no hadi’a mós prosedimentu sira kona-ba imunidade Deputadus no membrus Governu nian. Ita presiza tau atensaun liután ba deklarasaun no atualizasaun ba rendimentus no konsidera mós obrigasaun ida husi titular sira, membrus órgauns soberania ho sira seluk tan ne’ebé kaer kargu polítiku, atu hato’o informasaun ba sidadaun sira”, hateten Lú Olo. * [ Zevonia Vieira | TAFARA.TL | 17.09.2018 ]

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Kursu Promosaun Ofisial Inspetor PNTL, FM: Sei Hamosu Deskonte Barak

Ministeriu Interior hasai Diploma Ministerial N.o 35/2018 de 29 de Novembro hodi halo promosaun ba …

Leave a Reply

Your email address will not be published. Required fields are marked *