Monday , March 25 2019
Home / Sosial & Politika / Enkontru Kordenasaun Dahuluk VII Governu Konstitusional, Foka Ba Programa no Orsamentu
Membru Governu iha VII Governu Konstitusional foto hamutuk ho Prezidente Rupublika RDTL no Prezidente Parlamentu Nasional. [Foto: Gabinete Primeiru Ministru].

Enkontru Kordenasaun Dahuluk VII Governu Konstitusional, Foka Ba Programa no Orsamentu

Relasiona ho funsionamentu Orgaun Exekutivu no instituisoens publikas, Tersa-Feira ohin, Primeiru Ministru no Membru Governu existente iha VII (sétimo) Governu Konstitusional realiza enkontru kordenasaun servisu dahuluk hodi haree ba programa no orsamentu ba kada ministeriu no kompleta kompozisaun VII Governu nian.

Ministro Prezidensia Kosellu Minsitru, Adriano do Nascimento hateten ba Jornalista sira, “ohin ne’e reuniaun de kordenasaun, husi enkontru ne’e ajenda prinsipal ne’ebe kolia iha reuniaun ne’e maka, programa no orsamentu husi kada ministeriu ida-idak ninian. Atu nune’e kada ministeriu bele haree ona nia programa no orsamentu para nune’e bele aprezenta ba Parlamentu Nasional tuir dalan legal ne’ebe ke iha.”

Adriano do Nascimento haktuir, iha reuniaun de koordenasaun ne’e Primeiru Ministru fo orientasaun ba ministeriu hotu-hotu atu iha tempu badak kada ministeriu bele haree ona ninia programa no orsamentu, nune’e bele hatama ba Primeiru Ministru hodi bele tau hamutuk.

Iha enkontru kordenasaun ne’e mos konsege koalia kona-ba Ministeriu sira seluk ne’ebe Membru Governu seidauk iha, no sei kompleta iha tempu badak.

“Kona-ba ida ne’e, iha tempu badak ne’e Primeiru Ministru sei haree buat hirak ne’e hotu, hodi nune’e fatin ne’ebe ke mamuk tenki iha ona para atu nune’e bele halo tomada de posse. Ministeriu hirak ne’ebe iha ona mai ho programa para aprezenta ba parlamentu,” tenik Adriano do Nascimento iha Palacio Nobre, Lahane, Dili.

Hatan ba perguntas husi TAFARA.TL, karik iha enkontru ne’e mos deskute kona-ba fatin no/ka ministeriu ne’ebe mak sei kompleta iha kompozisaun VII Governu nian, Ministro Prezidensia Kosellu Minsitru esplika, “ami la diskute, ne’e kompetensia Primeiru Ministru ninian. ne’ebe Primeiru Ministru sei haree fatin ne’ebe mamuk. Klaru mak ne’e fatin ne’ebe mamuk tenki prienxe ona iha tempu badak nia laran, nune’e bele ministeriu hirak ne’ebe iha ne’e bele hatama ona nia programa no orsamentu.”

Iha sorin seluk Vice Ministra Edukasaun, Lurdes Besa, iha nia Intervista ho TAFARA.TL esplika, “laiha perioridades 100 dias, iha perioridades para atu inteira de servisu. Ohin ami halo reuniaun de trabalho ida dos Membros do Governo existente. Agora sei perioridade ba formasaun do resto do Governo, haree preparasaun do programa, depois de aprova tia programa mak ita bele komesa servisu lolos tuir programa ne’ebe atu aprova.”

Vice-Ministra Edukasaun salienta liu tan, “presija atu hadia edukasaun, edukasaun Minísteriu ida ke estabelesidu tiha ona, iha nia perioridades, iha nia programa ne’ebe lao dau-dauk. Ami atu halo kontinuasaun ba programa ida ne’ebé existe tia ona. Agora daudaun preparasaun kona-ba exame nasional ne’ebe ida ne’e importante, ita tenki fokus,” tenik Vice-Ministra Eduksaun.

Hatan ba perguntas husi Jornalista GMN TV, kona-ba problemas sira iha eduksaun ne’ebe presija hare iha tempu badak, Vice Ministra hateteten, “sei haree ba buat hotu. Buat hotu estabelesidu tiha ona, konserteja governu ida foun tama, programa sei aprova, i servisu tuir programa ne’ebe atu aprova. Mas laiha perioridades ba 100 dias, iha perioridade ba halo servisu responsabilidade lor-loron. Ohin laiha konsellu Ministrus, reuniaun de trabalho ida entre membros do Governu ne’ebe toma posse tiha ona, ne’ebe seidauk kanaliza orsamentu, foin halo kordenasaun de trabalho.”

Enkontru Kordenasaun Servisu ne’e hala’o iha Palacio Nobre, Lahane, Dili, Partisipa husi Membrus Governu existentes mak simu ona toma pose ba VII Governu Konstitusional. *[Martinho Moniz | Estajiarius Dep.CS, UNTL | TAFARA.TL | Editor: Ato Lekinawa Costa | 19.09.2017].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *