Tuesday , March 26 2019
Home / Sosial & Politika / Espesialista Dehan, Timor-Leste Bele Lakon 24 Bilioens iha Greater Sunrise
Chefi negociador Timor-Leste ba tratadu Fronteira Maritima Kay Rala Xanana. [Foto: Copyright FORBES Media Online | 25.11.2018]

Espesialista Dehan, Timor-Leste Bele Lakon 24 Bilioens iha Greater Sunrise

Timor-Leste derterminadu atu sosa tan asoens ho kompania Shell ho folin 300 millioens dolar amerikanu. Ho nune’e Timor-Leste iha ona asoens hamutuk 56%, tanba sosa uluk hosi ConocoPhullips 30%, depois atu sosa tan hosi Shell 26%. Total orsamentu mak sei gasta ba sosa asoens hosi kompania ConocoPhullips ho Shell hamutuk 650 milioens.

Ba GMN (22/11), Representante Spesial Xanana Gusmao hatete, “Ita la iha buat ida iha ita nia ulun katak atu sosa, maibe sira hakarak faan entaun ba ita diak liutan, agora ita iha 56% katak ita maioria. Desizaun ne’ebe mak sei halo ita nia lian bo’ot liu.”

Maibe laos ema hotu-hotu iha hanoin positivu kona ba aktu ne’ebe halo hosi Representante Special no lider negosiador Xanana Gusmao.

Membru Konsellu Konsultativu ba Fundo Petroleu, Juvinal Dias, iha ninia artikel mak publika iha www.neonmetin.info (20/11) hatete katak maski governo sosa asoens ConocoPhillips nian, “presiza kalkula loloos kapitál investimentu hira mak Timor-Leste sei gasta kuandu dada kadoras mai iha Timor-Leste, refining margin hira mak Timor-Leste sei hetan hosi kada barríl kompara ho lukru petrolíferu karik mina-rai ho gas ne’e fan tuir Upstream de’it, inklui kompara ho konseitu dezenvolvimentu seluk.”

Fontes Governu Australia nian ida hatete ba ajensia notisia online www.abc.net.au (22/11) ho lian eskeptiku no ho laran taridu katak Timor-Leste hakarak hasai hotu nia rekursu ba projetu ida ne’ebe teknikamente no ekonomikamente sei la fo vantajen. “Sira nia osan sei hotu lalais no hasai hotu ba saida mak sira iha ba mehi bulak ida.”

Tanba labele ona konvense kompania enerjia jigante sira mak kaer metin hela dereitu ba Greater Sunrise hodi halo tuir Timor-Leste nia hakarak, entaun saida mak Timor-Leste halo mak halo esforsu atu sosa hotu asoens ne’ebe kompania sira iha.

Ho nune’e, Timor-Leste bele halo presaun ba lideransa konsorsium Greater Sunrise nian, Woodside, hodi aseita ho planu lori Greater Sunrise mai Timor-Leste ka faan tan Woodside nia nia asoens.

Analista no dosente politik ida ne’ebe hakerek barak kona ba Australia no Sudeste Asiatiku, no Relasoens Internasionais Estadu Kik-oan sira, hosi Universidade La Trobe, Bec Strating hatete katak saida mak Timor-Leste no Shell halo, ne’e hahalok ida laos matenek.

“Retorika hosi Governo Timor-oan sira nian ho kompania Shell katak sosa asoens ne’e tulun dadaun estadu-kik ne’e nia dezenvolvimentu ne’e inkredivelmente la los,” Bec hatete.

Bec koalia lia hirak ne’e ba www.amti.csis.or (19/03). Analista ne’e mos hatete katak preokupasaun simboliku kona ba fronteira maritime resolve dadaun maibe materia subtantivu kona ba disputa seidauk resolve.

Konsultor independente ida ba mina ho gas, mak fo konsulta ona ba projetu oin-oin iha rejiaun ida ne’e, Jeffrey Feynman, ba ajensia notisia online www. forbes.com (03/02), Feynman hatete, iha estimatiba katak sei gasta Biliaun 24 hodi dezenvolve Greater Sunrise iha Timor-Leste. Nia mos halo kalkulasaun katak projetu ida ne’e sei lakon Biliaun 28 durante ninia produsaun iha tinan 30 nia laran bainhira gas prosesa ona iha Timor-Leste. Gastus ba projetu ne’e sei bot liutan bainhira hasoru problema tekniku oin-oin iha ninia prosesu dezenvolvimentu.

Negosiasaun atu sosa hosi kompania Shell ne’e inklui lisensa iha NT/RL2 ho NT/RL4 iha tasi Australia nian ho PSC 03-19 ho PSC 03-20 iha tasi Timor nian no asosiadu ho akordu governasaun nian. * [ Ato ‘Lekinawa’ Costa | TAFARA.TL | 25.11.2018 ]

About Fernando Antonio da Costa

Fernando António da Costa, konhesidu ho Ato "Lekinawa", iha TAFARA.TL nudar General Manager & Editor, no mos hamutuk ho Metódio Caetano Moniz & Zevonia Vieira funda media online TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

One comment

  1. Komentariu skeptisme hanesan nunne ita rona bebeik ona, maibe analiza ida profunda no dadus kona ba montante mina Bec lahatudu iha artigu nebe Tafara publika. Oinsa ita bele analiza Bec nia peskiza?????

Leave a Reply

Your email address will not be published. Required fields are marked *