Saturday , November 17 2018
Home / Ekonomia & Bisnis / Estarda Ne’ebe Hadia Ona, Tulun Komunidade Hodi Asesu Ekonomia no Eskola
Embaixador Australia hamutauk ho ILO no autoridade suku Laulara lao hodi hare'e estrada ne'ebe mak durante ne'e sira suporta.[Foto: Zinho MD].

Estarda Ne’ebe Hadia Ona, Tulun Komunidade Hodi Asesu Ekonomia no Eskola

“Antes ne’e estrada seidauk hadia, loron ida hau tunu paun saku ida deit, maibe depois estrada hadia tiha, hau bele tunu to saku haat iha loron ida, tamba ema sosa aumenta,” Cidalia Batista.

70% Timor oan hela iha Area Rural. Liu husi peskija balun ne’ebe halo ona populasaun iha Timor-Leste iha area rural presiza liu mak atu hadia sira nia Estrada no Bee moos.

Liu husi ezizensia ida ne’e Governu Australia no Timor-Leste Serbisu hamutuk hodi hadia Estrada rural, liu husi programa estrada ba dezenvolvomentu, hodi lori populasaun ba asesu iha servisu bazika no merkadu

Xefe Suku Laulara, Mateus Bareto agredese tebes ho apoiu ne’ebe hetan hosi governu Australia ne’ebe servisu hamutuk ho governu Timor-Leste. Tuir Mateus katak durante tinan haat nia laran, implementa programa refere, hodi hadia estrada iha area refere.

Iha fatin hanesan nain ba padeiro iha aldeia Burulete, Cidalia Batista hatoo sentimentu kontente ba jornalista sira, tanba estrada ne’ebe hadia ona, bele hasae liutan nia produsaun iha tunu paun

“Antes ne’e estrada seidauk hadia, loron ida hau tunu paun saku ida deit, maibe depois estrada hadia tiha, hau bele tunu to saku haat iha loron ida, tamba ema sosa aumenta”, hateten Cidalia ho kontente

Ambasador Austalia iha Timor-Leste, Peter Roberts hateten konsturasaun dalan ne’e importante tebes ba komunidade iha Timor-Leste, hodi bele asesu ba merkadu no eskola.

“Partikularmente iha area rurais, bele liga komunidade ho merkadu ,ho eskola, entaun governo Australia kontente tebes, bele suporta programa”, tenik Peter, 02/05

Konstrusaun refere konstrui husi kompania Remixiu Furak no finansia husi Governu Timor-Leste no  Australia, husi km 7 no km 5 mak hadia ona no km 2 seluk sei hein ba apoiu tuir mai. Populasaun ho total 1500 mak bele asesu ba estrada refere iha tempu agora.* [Jesuino Marcal de Jesus | TAFARA.TL | Editor: Zevonia Vieira | 04.05.2018].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *