Wednesday , June 19 2019
Home / Sosial & Politika / Estudante 1,000 Para Eskola Kada Tinan iha Municipiu Liquica
Sesaun Palestra iha eskontru Bankada Parlamentu Foinsa'e Nian Municipiu Liquica.[Foto: Zinho MD | TAFARA.TL | 03.10.2017].

Estudante 1,000 Para Eskola Kada Tinan iha Municipiu Liquica

Estudante para eskola tanba violensia iha eskola, eskola do’ok hosi uma, inan-aman la suporta oan nia eskola no mos ekonomia familia mak sai kauza lubuk ida ne’e Membru Parlementu Foinsa’e (PFN) identifika iha Liquiça. Diretor Edukasaun Munisipiu Liquiça hatete ba iha enkontru bankada Parlamentu Foinsa’e Nian (PFN) Municipiu Liquica katak estudante 1,000 mak para eskola kada tinan munisipiu ne’e.

VII Governu Konstituisional hahu forma ho kompozisaun 32 membru Governu hodi serbisu liberta povu ida ne’e. hare’e ba Problema iha setor oioin ne’ebe enfrente hela iha nasaun ki’ik ne’e, ho ida ne’e ezizi tebes VII Governu hodi bele serbisu makas hodi hadia setor hotu iha nasaun ida ne’e.

Setor Edukasaun sai hanesan setor mais importante hodi hadia nasaun nia futuru ho jerasaun hirak ne’ebe sei mai. Tuir opiniaun publik barak hatudu ona katak ema barak husu Ministeriu Edukasaun hodi hadia problema sira hanesan saneamentu eskolar, sistema kurikulum, salariu ba mestri, karakter estudante, infrastrutura eskola no seluk-seluk tam.

Tuir Diretor edukasaun Munisipiu Liquiça, Zito Antonio da Costa Problema ne’ebe hasoru iha munisipiu konaba para eskola ne’e rekoinese bo’ot duni iha munisipiu.

“Problema para eskola ne’e barak teb-tebes. Se ita sura didiak durante tinan ida estudante 1,000 resin mak sai husi sira nia eskola. Husi para eskola ne’e ita identidika didiak  iha problema balun tamba kaben sedu no para eskola, iha mos fator seluk hanesan ekonomia, kultura, ambiente no husi problema ne’e para eskola barak liu feto oan sira,” hateten Zito.

Iha parte seluk Parlamento Foinsa’e Municpiu Liquiça halo mos identifikasaun isu liga ho problema edukasaun iha Munisipiu refere. Tuir dadus ne’ebe identifika husi Membru Parlamento Foinsa’e Nian [PFN] iha municipiu Liquiça.

Husi dadus para eskola ne’ebe idenfikadu ho nia kauza sira mak hanesan la hetan suporta husi sira nia inan no aman. Profesor/a la autoriza estudante hodi tama eskola tamba moras no farda la iha, hodi implika sira nia hakarak ba eskola. Kauza seluk mak estudante para eskola tamba hetan agregasaun fizika husi familia ne’ebe estudante ne’e  hela ba. Hahalok husi estudante rasik ne’ebe nakar iha eskola nune’e eskola desidi tenke hasai. No mos para eskola tamba hetan influensia husi kolega ransu no para eskola tamba distansia eskola dok husi hela fatin.* [Jesuino Marcal de Jesus | TAFARA.TL | Editor: Ato ‘Lekonawa’ Costa | 03.10.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Kondisaun Eskola Publiku Guelocaer Komesa At, Vice MEJD: Planu Hadia Eskola Sei Tau Iha OJE 2020

“Ami tenke kuru udan been ne’ebe tama ba sala laran depois mak ami kontinua hanorin …

Leave a Reply

Your email address will not be published. Required fields are marked *