Wednesday , October 24 2018
Home / Sosial & Politika / Estudante Universitariu Partisipa Iha Seminariu Konaba FM, Ne’ebe Aprezenta Hosi Xanana Gusmao
Xanana Gusmao halo konversa ho estudante sira iha salaun Dom Bosco Comoro. [Foto: Sadome Pires | 08.04.2018]

Estudante Universitariu Partisipa Iha Seminariu Konaba FM, Ne’ebe Aprezenta Hosi Xanana Gusmao

“Saida mak hau buka atu hetan, ne’e nia benefisu ba imi gerasaun foun, laos ba ami gerasaun tuan sira, ami jerasaun tuan tau hela ai-riin, jerasaun foun hanesan estudante mak kontinua hodi lori rai ne’e ba future”. Xanana Gusmao

Eis Xefe Negosiador ba asumtu Fronteira Maritima, Xanana Gusmao realiza dialogu ho estudante universitariu sira hodi bele hatene konaba prosesu negosiasaun ne’ebe durante ne’e Timor-Leste halo ho Australia.

Seminariu ho tema Hametin Espiritu Luta no Vitoria Fronteira Maritima, Hodi Asegura Dignidade, Soberania no Prosperioridade Futuru Povu Timor-Leste. Responsavel KEPSTIL, Lucio Marcal Gomes iha dialogu ne’e hateten, liu hosi atividade ida ne;e ho objetivu fahe esperensia ne’ebe furak tebes ba estudante universitairo kona ba historia tratadu fronteira maritime iha tasi Timor. Ho razaun ida ne’e mak lori estudante universitariu tomak iha Dili laran, hodi mai haree no rona direita hosi autor principal negosiador. Atu nune’e juventude sira hatene prosesu istoria ba negosiasaun FM.

Tuir Lucio katak importansia husi seminariu ida ne, liga ho asumtu fronteria maritime juventude tenke hatene konaba nia riku soin Timor nian.

Iha seminariu refere Xanana Gusmao hateten katak, “saida mak hau buka atu hetan, ne’e nia benefisu ba imi gerasaun foun, laos ba ami gerasaun tuan sira, ami jerasaun tuan tau hela ai-riin, jerasaun foun hanesan estudante mak kontinua hodi lori rai ne’e ba future”.

Estudante Institutu Profesional de Canosa [IPDC], Bentonilo Soares [34] ba TAFARA.TL hateten liu hosi oportunidade ida ne’e, estudante sira bele hatene oituan konaba limitasaun fronteira maritime. Importante ba joven sira, oinsa kaer metin prinsipiu ne’ebe forte, hodi luta ba ukun rasik an no hodi luta ba riku soin iha tasi no foho. Hanesan Jerasaun foun ba nasaun, labele dezamina nia vida maibe tenke forte nafatin, tenke hasoru dezafiu hotu atu bele manan, liu-liu manan riku soin lalehan no rai ninian.

Tuir Bentonilo katak ida ne’e materia importante, no Xanana Gusmao fo hanoin ba juventude sira katak hanesan juventude no estudante iha dever atu habelar liu tan informasaun ne’e ba kolega sira ne’ebe la mai partisipa no ba komunidade iha imi nia leet konaba fronteira maritime. Xanana Gusmao hateten katak, “ita nia terus liu tiha ona, agora ita atu luta hodi manan atu nu’une ita bele hetan nafatin kita nia Vitoria ukun rasik an to fim”.

Iha fatin hanesan estudante UNDIL, Luelia Alves Tilman dehan konaba tratadu fronteria maritime Timor nian, husi nia esforsu tomak bele hetan fila fali ita nia riku soin, orgulho tebes ho saida mak ita nia lider boot ne’e hetan ona ba rai doben nee, “ita nudar sidadaun no estudante ita mos tenke iha konsiensia atu bele estuda makas, hodi iha futuru jerasaun foun mos bele jere rasik hanesan Xanana halo ne’e.

“Hau hakrak husu ba juventude Timor laran tomak, atu ita hotu bele kaer liman ho dame, hodi bele jere no kaer ita nia rai ne’e ba futuru ne’ebe diak liu”, hateten Luelia.

Serimonia ne’e organiza husi Klibur Instituisaun Superior Iha Timor-Leste(KEPSTIL), hetan partisipasaun masimu hosi estudante universitariu sira ne’ebe liu 2000 resin, ne’ebe halao iha salaun Dom Bosco Comoro Dili. * [ Zelia Ximenes | Editor: Zevonia Vieira | TAFARA.TL | 08.04.2018 ]

About Zelia Ximenes

Check Also

MOFFE – CAUCUS Realiza Treinamentu Ba PARPOL, Marcelina: Hau nia Kontribuisaun Iha Partidu Importante

“Feto sira iha partidu laran halo mos servisu barak ba partidu nia susesu. Hau hakarak …

Leave a Reply

Your email address will not be published. Required fields are marked *