Thursday , May 23 2019
Home / Sosial & Politika / Fakuldade Filozofia UNTL, Realiza Iudisium II
Dosente entrega atribuisaun grau ba estudante Iudisiumnista. [Foto: Yane Maia | 26.05.2018]

Fakuldade Filozofia UNTL, Realiza Iudisium II

Universidade Timor Lorosae’e [UNTL realiza iudisium ba daruak. Objetivu iudisium ne’e ho objetivu hodi oficialmente fo titlu lisensiatura ba estudante Departementu Filozofia, faculdade Filosofia e Ciênsias Humanus UNTL ne’ebe remata ona sira nia estudu durente períodu.

Tuir Dekanu fakuldade Filosofia e Ciênsias Humanas UNTL, Martinho Borromeu, hateten iudisium ida ne’e, hanesan iudisium ba daruak nian ho numeru estudante ne’ebe aumenta husi departamentu filozofia iha tinan ida ne’e, hanesan pasu ne’ebe normamente akontese ba universidade sira, dahuluk Iudisium iha Fakuldade no Gradua iha Universidade.

“Iudisium liu ba sira nain neen, e sira gradua tiha ona, maibe sira sa’e ba nain walu, entaun iudisium atu dehan saida, fakuldade formalmente husi ohin ba oin dehan ami husik ona imi, imi sai ona alumni iha fakuldade no entrega ba universidade, liu husi graduasaun, UNIVERSIDADE dehan, ohin ba oin imi alumni universidade”, tenik Borromeu

Martinho mos salienta liu tan ba alumni Filosofia, UNTL sira katak, fakuldade la’os fatin ida hodi hetan servisu, maibe sei oferese deit konesimentu mak sira iha ba estudante sira.

Iha parte seluk, reprezentante kandidatu graduadu, Cesar Ferreira Amaral sente kontente tanba bele liu dezafius balun.

“Oinsa atu uza matenek ne’ebe ita iha, hodi tulun ita nia maluk sira ne’ebe persiza tanba joven barak mak persiza kampu de traballu, iha momentu ida ne’e mos oinsa ita atu kria fali kampu de traballu ruma ba sira, tanba ne’e mak ida ne’e dezafiu boot ida mai hau rasik, iha kontenti no mos falun ho dezafiu”, konfesa Cesar Ferreira Amaral.

Entetantu, Aman husi Cesar Ferreira, Faustino Ferreira, wainhira dadalia ho jornalista TAFARA.TL iha fatin serimonia hato’o nia sentimentu orgullu ba rezultadu ne’ebe nia oan atinji.

“Sakrifisiu tinan lima nia laran ohin loron hetan rezultadu diak no husu ba oan sira buat nabe (ne’ebe.red) sira ejije ba inan aman sira hetan ona rezultadu ne’ebe diak, nune’e uja ba hodi hasoru moris futuru mai”, tenik Cesar Ferreira

Iudisium ne’e hanesan serimonia solene ida, ne’ebe realiza bazeia ba Despaixu Dekano da Faculdade Filosofia e Ciênsias Humanas no. 90/UNTL/FFCH/D/5.2/2018 kona ba atribuisaun Grau e Títulu academico de Licensiado do Departamento de Filosofia da Faculdade Filosofia e Ciensias Humanas da Universidade Nasional Timor-Lorosa’e.

Kandidatus graduadus sira ne’ebe aprovadu ona hamutuk nain walu mak hanesan Vitor de Jesus Soares [aprovado ho predikadu Bom ho indexao Prestaçao Comulativo2,50], Alfredo da Silva Mota [aprovado ho predikadu Bom ho indexao Prestaçao Comulativo2,75], Natercia dos Santos [aprovado ho predikadu Bom ho indexao Prestaçao Comulativo2,75], Natercia Tavares Fernandes [aprovado ho predikadu muito muito Bom ho indexao Prestaçao Comulativo3,12], Maria Imaculada Soares [aprovado ho predikadu muito Bom ho indexao Prestaçao Comulativo3,15], Bonifacio Perreira [aprovado ho predikadu muito Bom ho indexao Prestaçao Comulativo3,27], Januario Freitas Justinto [aprovado ho predikadu muito Bom ho indexao Prestaçao Comulativo3,35] no Cesar Ferreira Amaral [aprovado ho predikadu Exelente ho indexao Prestaçao Comulativo3,62].

Serimonia ne’e realiza iha dia 26 de Maiu 2018 ne’ebe mak partisipa husi Dosentes Faculdade Filosofia, reprezentante inan aman husi estudante sira no konvidadus husi fatin estajiu estudante sira refere. * [ Yane Maia | Editor: Zevonia Vieira | TAFARA.TL | 27.05.2018 ]

About Yane Elfrida Maia

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *