Wednesday , June 19 2019
Home / Sosial & Politika / Falur: Harii Nasaun Ho Prosesu Ne’ebe Susar, Madalena: Mate Ka Moris La Hakruk no Rende Ba Inimigu
Veteranu Madalena Bidau Soares "Kasihan" partisipa iha seremonia loron nasional veteranu iha palacio governu. [Foto: Zevonia Vieira | 03.03.2018]

Falur: Harii Nasaun Ho Prosesu Ne’ebe Susar, Madalena: Mate Ka Moris La Hakruk no Rende Ba Inimigu

Loron Nasional Veteranu ne’ebe monu iha loron 3 Marsu, nudar istoria importante , atu nafatin komemora, tanba ho veteranu rihun ba rihun ne’ebe fo an ba luta durante tinan 24 nia laran, ohin loron povu maubere iha nia identidade rasik.

Iha komemorasaun ne’ebe halao iha palacio governu, hetan partisipasaun masimu hosi veteranu sira hosi teritoriu tomak. Hafoin ceremonia ba komemorasaun loron veteranu remata, Xefe Estadu Maior Jeneral F-FDTL, Domingos Falur Rate Laek ba jornalista sira hateten komemorasaun loron veteranu ba dala uluk realiza iha palacio governu. Prosesu rua ne’ebe uluk povu Timor halo luta ba libertasaun nasional.

“prosesu harii nasaun ne’e, prosesu ne’ebe susar tanba involve ema barak, ba interese ema barak nian, rekursu barak liutan. Problema ne’e presija ema, tenke lori tempu mak bele lao, tanba ne’e mak hanesan ita nia valores, ita ukun aan tinan 10 resin ona, ita halo buat neneik to loron ida ohin ne’e, hanesan vitoria ba loron ohin”, hateten Falur.

Veteranu Moizes ‘Abu-abu’ idade 63m hosi Municipio Bobonaru, ba TAFARA.TL hatoo nia sentimentu orgullu, tanba tinan barak nia laran ba kotuk, la komemora loron veteranu, maibe hosi tinan 2015 to 2016, veteranu sira halibur hamutuk halo konferensia, no veteranu sira eziji hodi tau mos loron veteranu hanesan loron importante.

“Iha fatin ccd, derizidu duni husi xua exelensia Prezidenti da Republika actual, ne’ebe iha loron ne’e, ami konsege hetan aprova, atu nuneíe loron 3 Marsu bele komemora loron nasional veteranus”, hateten Moizes.

Moizes ho esperansa boot ba jerasaun foun, ba iha future bele kontinua komemora nafatin loron espesial ida ne’e.

Iha fatin hanesan Veteranu Madalena Bidau Soares “Kasiha” idade 62, hosi Municipio Liquisa hatoo sentimentu haksolok tanba bele komemora loron veteranu 3 Marsu, ne’ebe iha tempu ai laran, frente armada sira halo juramentu katak mate ka moris lakohi rende, lakohi hakruk ba inimigu.

Naran Konnesida Madalane Kasiha ne’e ho lia forte hateten, luta ba oin, hodi bele manan, no rezultadu hatudu manan duni no ukun rasik aan. Madalena husu ba governu atu bele tau veteranu iha fatin ida, atu nune’e veteranu sira bele organiza malu, hodi tau matan mos ba maluk klandestina sira ne’ebe lori aihan tutuir ba iha ailaran.

Iha loron nasional Veteranu, bainhira seremonia iha palacio governu remata, veteranu tomak ne’ebe mak partisipa halo marsa to iha CCD, hodi kontinua halao atividade kultural. *[ Virginia Pereira | Editor: Zevonia Vieira | TAFARA.TL | 04.03.2018 ]

About Virginia Pereira

Check Also

PR Apresia Servisu Jornalista nian Hosi 1975-1999: Barak Mate, hakarak Garante Direitu Povu TL Ba Autodeterminasaun

“Ho sira nia barani, determinasaun no kompromisu, sira fo sai informasaun ne’ebe real no atual …

Leave a Reply

Your email address will not be published. Required fields are marked *