Wednesday , October 24 2018
Home / Eleisaun Parlamentar / FDD Hakarak Kapasita Grupu Feto Iha Area Rural no Dezenvolve Hahu Hosi Rural
FFD halao sira nia kampanna iha Tasi tolu. [Foto: Zelia Ximenes | 05.05.2018]

FDD Hakarak Kapasita Grupu Feto Iha Area Rural no Dezenvolve Hahu Hosi Rural

Forum Demokrasia Dezenvolvimentu [FDD] halao kampanna politika iha muncipio Dili, liu hosi kampanna refere Prezidente Konselho Politika Nasional, Agustinho Gomes, ba militante sira hateten FDD mosu atu resposta povu nia preokupasaun durante ne’e. Hare ba eleisaun ne’ebe akontese iha tinan kotuk, povu haruka ona mesajen ba partidu politika sira katak povu hakarak mudansa, hakarak transferensia jerasional maibe sedauk klaru.

FDD ne’ebe kompostu hosi PUDD, UDT, Frente Mudansa ho fiar ida katak ho programa ne’ebe hakarak dezenvolve povu hosi kraik ba leten, prinsipal liu mak bee moos, estrada, eletrisidade, uma diak, kampu servisu no fasilidade internet baratu.

Iha fatin hanesan Prezidente Orgaun Feto Alise de F. Noronha, ba TAFARA.TL hateten katak FDD iha programa espesial kona ba feto, pontu prinsipal ne’ebe presiza hare mak kapasitasaun lideransa feto, oinsa mak bele fo kapaitasaun ba feto maluk sira, atu kompete iha area politika, ekonomia, social no kultura.

“Problema komunikasaun ne’ebe menus ba iha area rural, maka feto maluk sira iha ne’eba la hatene katak sira mos iha papel importante, bele kompete iha area hirak ne’e, sira iha kreatividade no responsabiliza diak tebes maibe problema mak orsamentu atu suporta sira la sustentavel ho ida ne’e ami orgaun feto husi partidu FDD, hakarak atu hadia no fo kapasitasaun hodi suporta feto maluk sira iha area rural”, dehan Alise ba Jornalista.

Kampanna ne’ebe halao iha Tasi Tolu, iha loron 5/02, hetan seguransa masimu hosi Polisia Nasional Timor-Leste [PNTL], observasaun hosi Comisaun Nasional Eleisaun, PDHJ, no observador nasional sira. *[Zelia Ximenes | Editor: Zevonia Vieira | TAFARA.TL | 07.05.2018]

About Zelia Ximenes

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *