Saturday , July 21 2018
Home / Sosial & Politika / Fernando da Costa: Estadu Rekonese Jovens Sira Iha Nesesidade no Interese.
Joventude hato'o perguntas iha seminariu Foinsa'e Harii Dame. [Foto: Maria do Ceu | TAFARA.TL | 08/08/2017].

Fernando da Costa: Estadu Rekonese Jovens Sira Iha Nesesidade no Interese.

Joven Feto no Mane mak sai sentru ba dezenvolvimentu hotu-hotu no Joven sai hanesan Sentru ba Implementasaun.

Antes atu komemora loron internasional ba Juventude iha loron 12 fulan Agusto Tinan 2017, ne’ebe sai mos hanesan planu asaun annual ba iha SEJD nian, Antes halao’o seminariu ho tema “Dame hahu husi hau” ne’ebe hetan partisipasaun maximu husi Juventude sira husi Universitariu no intituisaun akademiku ne’ebe kompostu  iha Dili laran, Organizasaun Juventude sira, Parlamentu  foin sa’e nian (PFN)  no Alumni parlamentu foin sa’e (APFTL).

Iha palestra dahuluk  ne’ebe ho tematiku konaba papel juventude iha politika nasional juventude, ne’ebe lori husi Orador Fernando Antonio da Costa ba partisipante sira  katak, iha politika nasional juventude ne’ebe mak iha, hatete joven mak sai rekursus iha sosiedade atu transforma social no ekonomia, no joven la’os sai hanesan problema ne’ebe mak estadu presija resolve.

“Joven Feto no mane mak rekursu ba transformasaun social no ekonomia iha sosiedade, importante mak politika ne’e hatete imi ne’e rekursu, la hatete katak imi ne’e mak problema ne’ebe estadu presija resolve, nasaun ida importante tebes, tanba wainhira rekonese imi hanesan rekursu mak bele servisu hanmtuk ho imi, uja imi nia kapasidade ne’ebe maka iha, hodi halo buat ruma,” Dehan Orador Fernando da Costa.

Orador ne’e mos hatete Politika refere hateten, Estadu rekonese jovens sira mos iha nesesidade no interese, mak hanesan sentru ba dezenvolvimentu no Estadu tau importansia ba dezenvolventu joven nian iha area hotu-hotu.

se estadu hare imi hanesan problema, entaun estadu lori imi nia partisipasaun ba tau ses tiha hodi ba resolve imi nia problema, maibe estadu rekonese Joven hanesan rekursus, politika ne’e mos rekonese joven feto no mane nia nesesidade no interese mak hanesan sentru ba dezenvolvimentu hotu-hotu, ne’e katak estadu tau importansia bo’ot ba dezenvolvemnetu juventude iha setor hotu”, Hateten Fernando da Costa.

Iha fatin hanesan partisipante hosi Sentru Becora,Alendiaon de Jesus, ba Jornalista tafara.tl hatete.

Hau senti seminar ne’e di’ak tebes, tanba ita haree partisipasaun juventude menus liu tanba ne’e ho tempu ida hanesan ne’e mak ita joven sir abele hatene informasaun ba juventude ne’e barak, tanba dalabarak ema hatete juventude nak sai habesan motor ba dezenvolvimentu la’os sai autor konflitu ba dezenvolvimentu, tanba ne’e ho oportunidade furak ne’e it abele hatene juventude niniafunsaun lolos,” dehan Alendion.

Juventude ne’e mos hatete karik ba oin se bele realiza mos seminariu hanesan ne’e ba juvetude sira seluk, labele estudante de’it tanba jovens sira seluk difisil hetan oportunidade sira hanesan ne’e, tanba sira menus koñesementu no informasaun.

Estudante UNITAL, Ernania Ximenes, ba Jornalista tafara.tl katak liu husi seminariu ida ne’e joven sira bele hatene didiak sira nia papel lolos.

Seminariu refere importante ba juventude sira hotu, atu hatene papel juventude nian rasik, tanba dalaruma ita hatene katak, ita mak joven ba nasaun ida ne’e maibe ita rasik la hatene ita nia papel lolos ne’e mak ida ne’e, tanba ne’e ho seminariu ba loron ohin nia ne’e bele aumenta ona koñesementu ba joven sira atu hatene,” dehan Ernania.

Seminariu refere hala’o iha salaun Delta Nova iha loron 8/8, organiza husi Alumi Parlamentu foin sa’e Timor Leste (APFTL), parseria ho Secretaria Estadu Juventude no Desportu SEJD) ho orsamentu $3000.00.*[Ana Soares | TAFARA.TL | 08.08.2017].

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

Governu Hato’o Pedidu 140 Milloens ba Parlamentu Nasional Hodi Responde ba Situasaun Atual

Relasiona ho liquides estadu ka orsamentu estadu laiha, VIII Governu Konstitusional atraves Konsellu Ministrus ohin …

Leave a Reply

Your email address will not be published. Required fields are marked *