Monday , March 25 2019
Home / Eleisaun Parlamentar / FFDTL no PNTL Sei Garante Seguransa iha EA
Ministru Defeza e Seguransa, Agustinho Sequeira Somotxo halo entrevista ho jornalista sira iha palacio prezidensia. [Foto: Zevonia Vieira | 06.04.2018]

FFDTL no PNTL Sei Garante Seguransa iha EA

“Tan deit halo jestaun ida ne’ebe dehan aperta sintu, para atu bele kobre eleisaun antesipada ida ne’e, hodi garante seguransa ba eleisaun antesipada. Konserteza ami sei halo jestaun hotu para alende forsa balun ne’ebe fizikamente tenke kontribui”. Somotxo

Ministru Defeza e Seguransa hasoru malu ho Prezidente da Republika, Dr. Francisco Guterres Lú Olo, hodi apresenta servisu rai laran nian.

Hafoin remata enkontru ba TAFARA.TL iha palacaio prezidensia, 06/05 liga ho preparasaun forsa no seguransa ba iha eleisaun antesipada nian, liu-liu orsamentu ne’ebe iha hodi apoia operasaun hosi instituisaun refere.

Ministru Agustinho Sequeira Somotxo hateten konaba orsamentu duadesimu ba eleisaun antesipada ba iha operasaun defeza no seguransa nian, hanesan hatete tiha iha tempu uluk, parte balun tenke taka ho osan, parte balun tenke sakrifika mos kondisaun balun.

“Tan deit halo jestaun ida ne’ebe dehan aperta sintu, para atu bele kobre eleisaun antesipada ida ne’e, hodi garante seguransa ba eleisaun antesipada. Konserteza ami sei halo jestaun hotu para alende forsa balun ne’ebe fizikamente tenke kontribui, para atu ajuda ho orsamentu ne’e no eleisaun bele lao diak”, hateten Somotxo.

Ba TAFARA.TL Somotxo fiar katak forsa no seguransa konserteza sei garante situasaun durante kampanna no iha loron votasaun no durante apuramentu, situasaun sei lao ho diak, no fiar metin ba parte F-FDTL no PNTL hodi halo sira nia servisu ho diak.

“Hau mos aprezenta ona ba Prezidente da Republika nudar komandante sepremu katak ohin ho aban ita nia forsa sira komesa halo movimentu, para atu okupa idak-idak nian posto. Ita nia polisia sira imi hotu hatene katak kada municipio iha nia komando rasik, sira mos hatene halo sira nia servisu, halo koberutra iha ne’ebe, sira babain hatene hela. Orientasaun nia halao kleur ona, para komanda idak-idak iha municipio hatoo fatin sira ne’ebe iha risku, para bele hare servisu Polisia no military nian to iha ne’ebe, no bele koloka hodi halo kobertura ba nesesidade tomak”, hateten Somotxo. * [ Zevonia Vieira | TAFARA.TL | 06.05.2018 ]

Iha parte sorin, komunidade Bairopite, Florentina Batista ba TAFARA.TL katak, kampanna politika hahu iha semana oin, hanesan povu babain sei sente tauk karik bele akontese odio ka violensia ruma entre ukun nain sira, tanba durante ne’e ema barak akompanna iha “faceboo” sempre akuza malu, “hau espera ami la sai vitima ba bebeik, se akontese tan violensia, ami mak sei la hakmate, laos ukun nain sira. Hau husu ba FFDTL no PNTL atu servisu hamutuk hodi asegura povu hotu, atu labele sai vitima ba ema balun ne’ebe hakarak estraga situasaun iha rai laran”, hateten Florentina

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *