Friday , September 21 2018
Home / Eleisaun Parlamentar / Finalmenta Mari Alkatiri Sai Kandidatu Ba Premeiru Ministru
Sekretariu Geral Partidu Fretilin, Dr.Mari Alkatiri.[Foto: Zinho MD | TAFARA.TL |12.09.2017].

Finalmenta Mari Alkatiri Sai Kandidatu Ba Premeiru Ministru

“Mais hori kalan hanoin no konsultan tan ho personalidade balun no hau desidi no aseita ba kandidatura premeiru ministru”, esplika Dr.Mari Alkatiri.

Sekretariu Jeral Fretilin, Dr.Mari Alkatiri konfirmadu kandidatu ba Premeiru Ministru periodu 2017-2022

Liu hosi entrevista ho jornalista sira iha CCF loron 12/09, hafoin remata enkontru ho parseiru rua hosi partidu PD no KHUNTO, Dr.Mari deklara katak avansa ba oin hodi sai premeiru ministru.

“Ita hotu hatene katak iha ezensia ba hau, hodi kandidata an ba premeiru ministru ne’e aumenta ba bebeik. Hau mak iha duvidas iha tempu barak nia laran, hosi tempu kampanna, hau sempre dehan katak la vota mai hau, maibe vota ba Fretilin. Maibe iha semana hira nia laran, ema que laos mai hosi partidu nian sempre dehan katak tenke avansa . Hau sei tenta atu buka dalan seluk. Mais hori kalan hanoin no konsultan tan ho personalidade balun no hau desidi no aseita ba kandidatura premeiru ministru”, esplika Dr.Mari Alkatiri.

Hatan ba perguntas hosi TAFARA.TL karik sei iha Vice Premeiru Ministru? Dr.Mari Alkatiri hateten laiha vice premeiru ministru maibe sei iha Minsitru de estadu.

Responde ba perguntas ikus hosi TAFARA.TL liga ho kargu Premeiru Minsitru, karik se maka atu lidera projetu ZEESM, bainhira kaer kargu hanesan premeiru ministru? “Hau kontinua kaer projetu ZEESM. ZEESM ne’e laos iha Oecusse deit, agora iha Timor-Leste laran tomak atu implementa projetu ZEESM”.

Liga ho perguntas TAFARA.TL nian kona ba asina final ona ba dokumentu koligasaun no mantein prinsipiu tolu ne’ebe liga ho meritu no proposionalidade? Dr.Mari Alkatiri hateten dokumentu prontu ona no aban asina hamutuk antes aprezenta ba Prezidente Republika.

“Prinsipiu tolu mais laos infleksibel, se ema ida iha meritu mais ho proposionalidade nia labele tama ona, ita buka meritu tanba ne’e mak tau meritu ne’e iha leten. No partidu rua ne’e konkorda ho prinsipiu ne’e”, hateten Dr.Mari Alkatiri.

Tuir agende hosi partidu tolu ne’e aban oras tuku 11:00 dader sei asina akordu hamutuk no oras tuku 16:00, sei ba aprezenta ba Prezidente Republika, Dr.Francisco Guterres Lú Olo. Tuir esplikasaun hosi Sekretariu Jeral, Dr.Mari Alkatiri katak Prezidente Republika mak sei desidi bainhira mak atu halo tomada de pose ba governasaun foun.* [Zevonia Vieira | TAFARA.TL | 12.09.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *