Monday , December 10 2018
Home / Sosial & Politika / Foinsa’e DMUN Halo Diskusaun Ba Problema Hosi Relatóriu Living No Youth Behind
Foinsa'e DMUN halo diskusaun ba isu Juventude Migrante, akompania husi fasilitador UNFPA, Mario Ximenes.[Foto: Binsar |23.06.2018]

Foinsa’e DMUN Halo Diskusaun Ba Problema Hosi Relatóriu Living No Youth Behind

“Tuir dadus Sensus populasaun 2015 joven sira nebe la asesu edukasuan no formasaun no servisu hamutuk 47.000 iha Timór laran tomak. Husi total ida ne’e joven feto mak barak la asesu, issu refere ho 24%”. Miguel Mau Soares,

Foinsa’e Dili Model United Nation [DMUN] realiza diskusaun konaba relatóriu ne’ebe lansa ona hosi organizasaun Belun no Nasoens Unidas.

Liu hosi diskusaun refere, Diretora Ezekutivu DMUN, Rose Merry da Glória hateten liu-husi diskusaun ne’e foinsa’e sira, bele hamosu planu asaun ida ne’ebé posivel hodi hatan ba problema sira ne’ebé mak sita ona iha relatóriu.

“NGO’s Belun no Nasoens Unidas Timor-Leste koalia kona-ba “living no youth behind”. Relatoriu ne’e NGO Belun hamutuk ho Nasoens Unidas lansa hosi peskiza refere. Iha relatoriu ne’e, problema fundamental lima ne’ebé akontese ba joven sira iha Timór ho ida ne’e iha rekomendasaun ba governu foun, hodi halo asaun urjente. Hosi problema ne’ebé identifika, liu hosi Dili Model United Nation [DMUN] haree interesante tebes atu diskute. Objetivu atu diskute no halo planu asaun ne’ebé posivel, planu asaun ne’ebé posivel ba ami atu halo la’os buat boot,”esplika Rose.

Rose hatutan problema lima ne’ebe diskute mak hanesan Youth LGBTI, Joven Migrante, Women in agriculture, Youth Mothering Education and Employment ka joven sira ne’ebé laiha edukasaun, formasaun no servisu, no Joven Defisiente.

Iha fatin hanesan fasilitador hosi NGO Belun, Miguel Mau Soares hateten sira nia grupu foku liu ba juventude sira ne’ebe la asesu ba edukasaun, formasaun no kampu servisu.

“Tuir dadus Sensus populasaun 2015 joven sira nebe la asesu edukasuan no formasaun no servisu hamutuk 47.000 iha Timór laran tomak. Husi total ida ne’e joven feto mak barak la asesu, issu refere ho 24%,” dehan Miguel Mau Soares, iha Knua Juventude, Dili.

Iha sorin seluk, ba TAFARA.TL delegada Rosalia Soares de Almeida hateten liu hosi diskusaun ida ne’e, bele aproveita fahe informasaun konaba edukasaun, formasaun no servisu. Problema prioridade nebe mai diskute iha sesaun ida ne’e mak, joven isira nebe eskola hotu ona maibe la kontinua iha nivel superior, labarik idade minoria servisu iha dalan ninin. Ikus liu, liu hosi rezultadu diskusuan refere sei halo asaun simples sira.

Hanoin hanesan mai hosi Delegadu Indiano Mibin hateten katak agredese tanba bele partisipa iha diskusan refere. Tuir Mibin katak joven ho edukasaun importante tebes, problema boot ne’ebé mak edukasaun Timór iha mak lingua, hanesan ita kompara ho India maske iha lingua materna barak maibe estadu rekoñese no aplika Inglesh sai hanesan lian ofisiál. Por tantu iha Timór problema boot ba eduksaun mak lingua maske iha nivel ensinu primaria too sekundaria ho lian português, maibé ba nivel superior universidade balun utiliza lingua barak hanesan lian Indonesia, Português, Inglesh inklui Tetun. Ho lian diferente ne’e mak halo estudante sira nia abilidade ita la garante.

Tuir informasaun ne’ebé TAFARA.TL rekolha katak DMUN sei halo diskusaun no fahe ba komite lima, hodi hare asumtu konaba isu Rohinya Refugee Crisis; United Nation Historical-security Council sei haree kona-ba Rwanda Genocide; Disarmament and International Security Council Committee (DISEC) sei haree kona-ba Nuclear Disarmament; Economic and Finance Committee (ECONFIN) sei haree kona-ba armas kimikas iha nasaun Syria. * [Maria do Ceu | Editor: Zevonia Vieira | TAFARA.TL| 23.06.2018 ].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Komemora Loron Invasaun, PR Lú Olo Sauda CNC nia Inisiativa Hodi Hametin Memoria Kolektiva

Prezidente da Republika, Dr. Francisco Guterres Lú Olo sauda Centro Nasional Chega! no ekipa toma …

Leave a Reply

Your email address will not be published. Required fields are marked *