TAFARA.TL All for One & One for All
Related Articles
“Fretilin ba opozisaun, opozisaun laos katak atu hatun governu, opozisaun mos bele ajuda governu atu lao diak liutan. Ida ne’e opozisaun ho sentidu de estadu, laos dehan ba opozisaun depois halai hamutuk fali hodi hatun governu ida ne’e la lae no laiha insidensia parlamantar”. Marí Alkatiri
Partidu Fretilin hasoru malu ho Prezidente da Republika, Dr. Francisco Guterres Lú Olo. Hafoin remata enkontru Sekretariu Jeral Fretilin, Dr. Marí Alkatiri hateten katak triste tebes tanba VIII Governu sedauk mai deit.
“Hau triste tebes tanba hau la gosta hein servisu kleur, hau la gosta hein, entaun mai lalais ona para hau kontente oituan. Uluk hau demora sira dehan hau inkapsidade,entaun agora hau hakarak sira lao lalais oituan tanba sira iha kapasidade”, hateten Marí.
Hatan ba TAFARA.TL tanba sa Fretilin triste ho VIII governu ne’ebe sedauk forma, karik tanba fo impaktu funsionamentu estadu? Marí hatan katak tanba bele fo impaktu ba ekonomia, politika, fo impaktu ba povu nia vida rasik, “hau fo korazen ba AMP para bele forma lalais”.
Ba TAFARA.TL Marí Alaktiri mos informa katak, liu hosi enkontru entre Fretilin ho Prezidente da Republika, Fretilin informa ba Prezidente katak prontu atu sai opozisaun.
Bainhira media GMNTV husu konaba Fretilin prontu atu kontribui ba governasaun foun ida ne’e? Ba GMNTV Marí deklara katak opozisaun mos kontribui, opozisaun laos halo revolusaun atu hatun governu.
“Iha momentu ida ne’e, iha rezolusaun ikus Comite Centra Fretilin nian klaru Fretilin ba opozisaun. Opozisaun laos katak atu hatun governu, opozisaun mos bele ajuda governu atu lao diak liutan. Ida ne’e opozisaun ho sentidu de estadu, laos dehan ba opozisaun depois halai hamutuk fali hodi hatun governu ida ne’e la lae no laiha insidensia parlamantar”, hateten Marí iha palacio prezidensia 04/06.
Bainhira TAFARA.TL konfirma ho Marí Alkatiri, sekarik AMP bolu individual sira hosi partidu Fretilin hodi ba servisu ba VIII Governu, Fretilin sei apoiu? Primeiru MInistru atual ne’e deklara katak se hakarak ba, bele ba maibe depois Fretilin sei foti desizaun.
Ba jornalista sira Marí mos hateten katak, sei kontinua halo servisu ba ZEESM ho razaun tanba iha sentifu responsabilidade ba ZEESM, “osan barak mak rai iha RAEOA tanba hau, se sira hakarak hau sai, hau tenke aprezenta kontas, ne’e mak hau prontu atu halo, no hau la abandona situasaun”. * [ Zevonia Vieira | TAFARA.TL | 04.06.2018 ]
