Tuesday , March 26 2019
Home / Sosial & Politika / Fretilin Kontra Proposta Alterasaun Atividade Petrolifera, Joaquim: Halakon Prinsipiu Transparansia no Boa Governasaun
Deputadu Fretilin, Joaquim Boraluli. [Foto: copyright media bankada Fretilin | 15.11.2018]

Fretilin Kontra Proposta Alterasaun Atividade Petrolifera, Joaquim: Halakon Prinsipiu Transparansia no Boa Governasaun

Bankada Fretilin vota kontra Proposta Alterasaun ba Lei Nu.13/2015 konaba atividades petrolifera.

Liu hosi komunikadu imprensa ne’ebe distribui ba media sira, deputadu bankada Fretilin, Antoninho Bianco deklara katak alterasaun ida ne’e bele hamosu nepotizmu no loke dalan atu grupu kiik ida deit mak kontrola riku soin sira tomak iha Timor-Leste.

Bandkada Fretilin deklara katak proposta atu altera Artigu 2 ne’ebé halo referensia ba Tratadu Fronteira Maritima assina iha loron 6 Marsu 2018, Fretilin hare katak alterasaun ida ne’e viola Konstituisaun Repúblika Demokrátika de Timor-Leste nian no mós Lei Internasionál kona ba Tratadu Internasionál sira tanba wainhira Tratadu Fronteira Maritima ne’e Timor-Leste ho Australia seidauk ratifika, tratadu ida ne’e seidauk vinkula.

Iha proposta alterasaun ba Artigu 22, Fretilin hare katak proposta Alterasaun ne’e hakarak atu atribui kompetensia ba Konsellu Ministrus ka Primeiru Ministru atu deside kona ba partisipasaun pessoa koletivas públikas ka sira seluk iha atividade petrolifera iha Timor-Leste. Fretilin hare katak alterasaun ida ne’e bele loke dalan ba grupu elite kiik ida deit iha Timor-Leste mak sei sai riku liu tan no kontrola riku soin Timor-Leste nianLiu hosi komunikadu imprensa bankada Fretilin mos hateten katak alterasaun ba artigu ida ne’e mós fo autorizasaun atu kontratu ba fa’an no sosa, akizisaun no transferensia sira iha atividades petrolíferas la sai sujeitu ba fiskalizasaun previa Kámara de Kontas nian.

Deputadu Fretilin, Joaquim Boraluli hateten alterasaun ida ne’e ladiak ba Estadu Timor-Leste, tamba sei halakon poder fiskalizasaun Tribunal das Kontas nian no bele la liu Orsamentu Jerál Estadu nian.

Efeitu ida husi alterasaun ba Lei ida ne’e bele mós haboot poder informál ida fora husi estrutura poder formal atu kontrola Estadu. Fretilin rejeita alterasaun Lei Atividade Petrolifera, tamba alterasaun ne’e sei hasai poder fiskalizasaun Tribunal das Kontas nian. Ida ne’e inkonstitusionál, maibé mós sei halakon tiha prinsipiu sira transparansia, boa governasaun, no check-and-balance iha ita nia Estadu” hateten Joaquim Boraluli konklui.

Proposta alteresaun Lei Nu.13/2015 konaba atividades petrolifera ne’ebe hetan vota kontra hosi bankada Fretilin, proposta refere hatoo hosi deputadu balun iha bankada CNRT, PLP, KHUNTO, PD, UDT no Frente Mudansa. * [ Zevonia Vieira | TAFARA.TL | 15.11.2018 ]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *