Thursday , May 23 2019
Home / Eleisaun Parlamentar / Fretilin Konvida PLP ho Khunto Hahuu Konversasaun Substansial Atu Harii Plataforma.
Sekjer Fretilin, Dr.Mari Alkatiri halo konferensia imprensa ho jornalista iha otel Novo Turismo loron 12/08.[Foto: Zevonia Vieira | TAFARA.TL | 12.08.2017].

Fretilin Konvida PLP ho Khunto Hahuu Konversasaun Substansial Atu Harii Plataforma.

“Enkontru ka konversaun meza iha loron 10 no 12, indika katak partidu rua (PLP no Khunto) partidu ne’ebe desponivel hodi halo servisu hamutuk”. Mari Alkatiri.

Liu hosi konferensia imprensa Sekretariu Jeral Fretilin, Dr.Mari Alkatiri hateten katak Fretilin rasik halo ona inisitiava hodi hala’o konversa ho partidu politiku hotu, ne’ebe hetan reprezentasaun iha Parlamentu Nasional ba legistlatura 2017-2022.

Partidu Fretilin konsidera katak, pozisaun ne’ebe partidu politiku idak-idak hatudu no asumi molok kampanne eleitoral, iha kampanne laran no hafoin halo tiha konversa sira.

“Presiza duni atu define lalais plataforma entendimentu ida metin no seguru, atu garante estabilidade governativa ba tinan lima nia laran. Komuñaun ka hanoin hanesan kona ba politika no program sira hosi Fretilin”, Deklara Dr.Mari Alkatiri.

Ho nune’e Dr.Mari Alkatiri reforsa katak, Partidu Fretilin konvida PLP no Khunto, atu ho Fretilin hahu konversaun subsatansial atu harii plataforma entendimentu ne’ebe metin no seguru governasaun nian, no halo definisaun formal ba formau adekuadu ba entendimentu ne’ebe bele hataan ba espetativs lejitima povu nian.

Dr.Mari Alkatiri mos hatutan katak, mantein dialogu ho partidu politiku sira hotu, hodi bele garante politika ida inklusivu

Hatan ba perguntas hosi TAFARA.TL kona ba Fretilin konvida PLP ho Khunto hodi hahu konversasaun substansial katak atu halo koligasaun ka apoiu ba governu inklusivu?

Dr.Mari alkatiri klarifika katak, konvida PLP ho Khunto hodi deskuti dalan ida ne’ebe atu tuir ,hodi bele servisu hamutuk.

“Se koligasaun ka intendimentu iha parlamentu ka inkluzaun, ne’e ita mak tenke define. Fretilin labele defini tiha ona mak bolu ema sira tama deit, maibe tenke hamutuk mak define”, esplika Dr.Mari Alkatiri.

Tuir Sekretariu Jeral Fretilin katak, enkontru ka konversaun meza iha loron 10 no 12, indika katak partidu rua (PLP no Khunto) partidu ne’ebe desponivel hodi halo servisu hamutuk.

Hosi TAFARA.TL nian perguntas ne’ebe husu ba kona Frertiln hateten PLP ho Khunto iha substansia liu hodi kontinua halo enkontru tanba hosi partidu rua ne’e iha programa ne’e bele integra ho visaun partidu Fretilin?

Sekretariu Jeral Fretilin hateten katak, “PLP ho Khunto premeiraves mak sira halo estria ba politika de estadu, bele dehan hitam di atas putih belum ada, ita no sira sei iha suratahan mutin ida para atu hakerek hamutuk”, esplika Mari Alkatiri.

Ba jornalista sira, iha loron 12/08, salaun konferensia otel Novo Turismo, Dr.Mari Alkatir informa liutan katak, Fretilin mantein dialogu ho partidu sira hotu, hodi bele garante politika ida inklusivu liutan, atu parlamentu nasional bele sai duni forum ida ba konsentrasaun pozisaun hodi hametin estadu no partidu Fretilin sei hato’o ba Prezidente RDTL, Dr.Francisco Guterres “Lu Olo”, atu haklaken formalmente desizaun ne’e.* [Zevonia Vieira | TAFARA.TL | 12.08.2017].

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *