Friday , August 17 2018
Home / Eleisaun Parlamentar / Fretilin – PD Nafatin Kaer Komprimisiu
Partidu Fretilin ho Partidu Demokratiku halo konferensia imprensa ho jornalista sira. [Foto: 12.05.2018]

Fretilin – PD Nafatin Kaer Komprimisiu

“Ohin ne’e loron povu nian, aban ba oin mak partidu sira nia loron, aban ba oin mak foin koalia no ita hatene rezultadu, maibe saida mak ami koalia ne’e programa ne’ebe mak la aprova iha parlamentu”. Asanami

Sekretariu Jeral Fretilin, Dr. Marí Alkatiri hamutuk ho Prezidente Partidu Demokratiku [PD], Mariano Asanami Sabino iha konferensia imprensa ba TAFARA.TL hateten katak Fretilin ho PD nafatin kaer komprimisiu

“Ho PD hau la duvidas tanba iha ona komprimisiu, ho partidu sira seluk hau sedauk koalia, hau labele avansa, mais vontade atu inklui hotu-hotu ne’e kontinua, hotu-hotu signifika independent mos iha tuir meritu. Dala barak kuandu ita halo negosiasaun ho partidu ita labele kaer metin nafatin prinsipiu de meritu. Hare ba VII governu, sai hosi partidu no buka independen sira, ba buka ema partidu sira seluk tan ida ne’e mak prinsipiu Fretilin nian ne’ebe iha”, hateten Marí

Iha parte Partidu PD nian, hatan ba TAFARA.TL konaba prinsipiu PD nian karik sei halo koligasaun ho PD se karik AMP manan no bolu PD hodi harii koligasaun? Asanami hatan katak, “ohin ne’e loron povu nian, aban ba oin mak partidu sira nia loron, aban ba oin mak foin koalia no ita hatene rezultadu, maibe saida mak ami koalia ne’e programa ne’ebe mak la aprova iha parlamentu no programa ne’e refleta ba planu estratejiku tinan lima nian ne’ebe ami kaer, ida ne’e mak ami hakarak deklara. Aban ba oin fo konfiasa ba partidu sira para bele responde ida ne’e”.

Konferensia imprensa ne’ebe halao iha hotel Ramelau, 12/05 Fretilin ho PD hatoo obrigado wain ba povu ne’ebe partisipa ona iha loron importante, hodi fo votu konfiansa ba partidu ka koligasaun sira ne’ebe sira atu fo fiar. Partidu rua ne’e mos fo agredese ba padre, madre no bispo sira nia orasaun, ho nune’e povu sira nafatin moris hakmatek iha situasaun hotu.*[Zevonia Vieira | TAFARA.TL | 12.05.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *