Saturday , November 17 2018
Home / Sosial & Politika / Fulan Sia Dosente UNITAL la Simu Salariu, SEFOPE Halo Inspesaun
Dosente Universidade Timor Oriental [UNITAL], Jovi Batista hato'o hela informsaun ba Jornalista sira iha nia knar fatin.[Foto: Santina L. da Costa | Estajiaria Dep.CS, UNITAL].

Fulan Sia Dosente UNITAL la Simu Salariu, SEFOPE Halo Inspesaun

Ekipa Sekretaria Estadu Formasaun Profesional no Empregu [SEFOPE] hakat ba Universidade Oriental Timor Lorosa’e [UNITAL] hodi buka informasaun ba kazu mal administrasaun mak akontese iha fatin refere.

Inspetor Geral do Trabalho, SEFOPE, Aniceto L. Soares ba Jornalista sira hateten, “ekipa Sekretario Estadu Formasaun Profisional no Empregu (SEFOPE) mai atu rekollha informasaun ne’ebe ligasaun ho auditorium ba mal administrasaun iha universidade.”.

Entretantu dosente UNITAL, Jofi Baptista hateten, oras ne’e Universidade hasoru problema rua, aula laiha estudante sai vitima, no dosente sira lasimu salariu durante fulan sia ona.

“Aproximasaun ohin  entre estudante, dosente, SEFOPE  ho Ministeriu Edukasaun,ita atu alerta ba malu, fó dadus ba malu tuir buat ne’ebé mak  agora dadaun akontese. SEFOPE mai rekollha hela dadus balun husi estudante sira nian no husi dosente sira kona-ba problema refere,”dehan Jofi Baptista.

Iha aprosiamasaun ne’e, Dosente no Universitariu aprezenta sira nia preokupasaun ba SEFOPE no Ministeriu Edukasaun. Parte SEFOPE esplika, traballador ida ne’ebé mak lasimu nia direitu bainhira nia ezekuta ona nia dever ne’e kontra ona lei.

Iha fatin hanesan, Senadu jeral UNITAL, Justino Jeronimo aproveita oportunidade ne’e hodi aprezenta preokupasaun universitariu sira nian ba SEFOPE no Ministeriu relevante hodi bele foti medidas mak adekuadu ba problema ne’ebé sira enfrenta.

“Buat barak mak estudante sira kestiona kona-ba kartaun ezame, kartaun identidade, propinas, laboratorium pratika, seminariu no selu-seluk tan. Informasaun hirak ne’e nu’udar dadus  atu nune’e bele apoia ekipa SEFOPE nian hodi halo prosesu investigasaun,” dehan Senadu Jeral.

Prosesu auditorium ladauk finaliza tanba estrutura Reitoria UNITAL la marka prezensa iha enkontru refere,nune’e parte hirak ne’e konkorda ona sei kontinua tur hamutuk iha loronQuarta-feira (11/07/2018) mai hodi haree noverifika dokumentus ne’ebé ligadu ba/ problema refere.* [Santina L. da Costa | Estajiaria Dep.CS, UNITAL | TAFARA.TL | Editor: Martinho Moniz | 09/07/2018].

About Other Source

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *