Saturday , November 17 2018
Home / Sosial & Politika / FUNATIL Husu Deskulpa ba Estudante UNITAL
Prezidente FUNATIL, Lere Anan TImur hasae hamutuk ho fundador UNITAL sira hasae foto hamutuk. [Foto: Francisco Almeida | 07.07.2018]

FUNATIL Husu Deskulpa ba Estudante UNITAL

“Husu deskulpa tamba ami nia sala, liu-liu ami nain tolu, Prezidente Funatil, Vice- Presidente no Director Executivo.   Ami husu deskulpa ba imi, tamba imi sai vitima ba ema balun nia hahalok”. Lere Anan Timur

Universidade Oriental Timor Lorosa’e [UNITAL] halao dialogu hodi koalia konaba dosente sira ne’ebe abondona estudante sira, tanba fo implikasaun la diak ba estudante sira, iha prosesu aprendizajen.

Relasiona ona ho problema refere, Prezidente Fundasaun, Lere Anan Timur, liu hosi dialogu hateten katak harii tiha universidade maibe sira la ativu iha fundasaun, maske nune’e sira fo konfiansa tomak ba reitoria atu bele jere sistema UNITAL.

Lere hateten iha dialogu katak Prezidente Fundasaun, Vice Prezidente Maunana no Direitor Executivu, Matos ho komprimisiu boot sei halo restrusaun ba reitora UNITAL, maibe tenke ho evidensia forte no sei lori ba to iha parte juridiku.

“Problema ne’ebé mak iha, imi bele tau duvida iha ne’e, ba kestaun akademia ami la hatene atu hanorin oinsa, imi nia kestaun konaba tamba saida mak ami la eskola? Ami uluk loke universidade ida ne’e, ba ema kiak laos ba ema riku, imi bele koinnese malu, ema riku nia oan ida la iha imi nia leet, imi mesak, karau atan, bibi atan toos nain ninia oan mak iha ne’e”, hatete Lere iha salão UNITAL, 07/0

Lere akrenseta katak iha tinan 2002 to 2018, esforsu ne’ebe halao iha universidade, buat balun diak, buat balun lao la diak, maibe fundador sira sei buka solusaun hodi nune’e, universidade ne’e bele lao ba oin.

Liu hosi enkontru refere Prezidente Fundasaun husu desculpa ba estudante sira, tanba sai vitima iha tempu naruk nia laran, “husu deskulpa tamba ami nia sala, liu-liu ami nain tolu, Prezidente Funatil, Vice- Presidente no Director Executivo.   Ami husu deskulpa ba imi, tamba imi sai vitima ba ema balun nia hahalok”.

Sorin seluk Senadu Jeral Estudanti, Justino hateten katak sente la dun diak, tamba buat hotu ne’ebé mak lao iha universidade, estudantes sempre kumpri maibe nafatin iha problema, tamba fakuldade no parte retoria la iha komunikasaun ne’ebé mak efetivu, atu halo servisu ho diak.

Ho nune Justino husu ba fundasaun atu tetu didiak ba problema sira ne’ebe akontese iha UNITAL, hodi hadia universidade no kontinua ba oin nafatin.* [ Francisco Almeida | Editor: Zevonia Vieira | TAFARA.TL | 07.07.2018 ]

About Other Source

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *