Friday , August 17 2018
Home / Sosial & Politika / Governu Australia Fo Apoio Ba Projetu Solar Panel No Bee Lafaek Iha Postu Saude Aileu Vila
[Foto: Zinho MD].

Governu Australia Fo Apoio Ba Projetu Solar Panel No Bee Lafaek Iha Postu Saude Aileu Vila

“Antes ne’e sedauk bele asesu ahi, hodi halo atendementu ba pasiente sira, liu-liu ba inan isin rua sira ne’ebe atu tur ahi, bele uza deit lampra, lilin no lampu [flash. Red] hosi telefone”. Xefe Postu Saude Aileu.

Governu Australia liu husi Embaixada Australia iha Timor-Leste, liu husi Projetu Solar Panel no bee Lafaek hodi fasilita postu saude Aileu Vila, ne’ebe antes ne’e preokupa tebes ba bee no ahi.

Aprezentasaun husi Xefe Postu Saude Aileu Vila, hateten durante ne’e postu Aileu preokupa tebes ho bee, hodi bele ajuda pasiente sira, liu-liu inan isin rua sira.

“wainhira kuandu ami seidauk  hetan bee ami nia pasiente sira inan isin rua sira no inan partus sira sempre preokupa oinsa para sira bele hetan bee mos ruma hodi fornese ba sira durante hetan atendementu ruma iha fasilidade saude,” hateten Chefi Postu Saude, iha edifisiu Saude Aileu, 02/05

Xefe Postu ne’e hatutan katak bainhira hetan tiha apoiu hosi governu Australia, liu hosi projetu bee lafaek, bele fo fornesementu ne’ebe diak, tanba bele atende total inan isisn rua 558 ho diak

Liga ho problema ahi, ne’ebe antes ne’e sedauk bele asesu ahi, hodi halo atendementu ba pasiente sira, liu-liu ba inan isin rua sira ne’ebe atu tur ahi, bele uza deit lampra, lilin no lampu [flash. Red] hosi telefone, bainhira ahi mate, ho solar panel bele ajuda ho diak tanba ahi laan 24 oras

Hosi visita ida ne’e, Ambasador Australia iha Timor-Leste, Peter Roberts sente kontente tanba bele fo suporta iha area saude nian. Peter Roberts hateten kooperasaun iha area saude importante tebes ba Timor-Leste, no governu Australia kontente bele serbisu hamutuk iha area bee moos.

Tuir Peter katak bee moos importante tebes ba saude, “ohin bele hemu bee moos husi projetu bee lafaek, projetu ne’e uza teknologia husi Australia, uza trabalhador husi Timor-Leste entaun bele suporta saude iha Timor-Leste, hanesan koopersaun ho ambulansia iha area seluk tan hau espera katak sei kontinua kooperasuan iha area ne’e”.* [Jesuino Marcal de Jesus | TAFARA.TL | Editor: Zevonia Vieira | 04.05.2018].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

SEKOMS Halao Enkontru Ho HAK, Hodi Rona Avaliasaun Area Komunikasaun Sosial

“Komunikasaun entre instituisaun governante sira ba nia povu la dun lao diak, entaun povu rasik …

Leave a Reply

Your email address will not be published. Required fields are marked *