Saturday , July 21 2018
Home / Sosial & Politika / Governu Hato’o Pedidu 140 Milloens ba Parlamentu Nasional Hodi Responde ba Situasaun Atual
konselho Minustru Realiza enkontru iha Plalacio Governu hodi deskuti Termu mandatu ba Komisáriu Komissaun Anti Korrupsaun (CAC).[Foto: GMP].

Governu Hato’o Pedidu 140 Milloens ba Parlamentu Nasional Hodi Responde ba Situasaun Atual

Relasiona ho liquides estadu ka orsamentu estadu laiha, VIII Governu Konstitusional atraves Konsellu Ministrus ohin (Terça-Feira, 11/07/2018) hamosu proposta lei ida, husu autorizasaun espesial husi parlamentu nasional atu transfere orsamentu husi fundu petroliferu ba kofre estadu.

Ministru Reforma Lejislativa no Asuntu Parlamentares, Fidelis Magalães afirma, situasaun kona-ba orsamentu estadu nian iha fulan agora no ba fulan oin, finansa halo aprezentasaun, halo diskusaun klean kona-ba ida ne’e. VIII Governu obta mekanismu ne’ebé liu husi proposta lei, katak sei haruka ba parlamentu, parlamentu aprova, iha promulgasaun depois ita sei iha lei ne’e.

“Iha duni desijaun husi konsellu ministru, passa lei ida, proposta de lei ne’ebé mak husu autorizasaun espesial para atu bele transfere osan husi ita nia fundu petroliferu mai iha ita nia kofre estadu. Informasaun ke imi hotu hatene maka ita iha 20 milloens de Dollares Americano, entaun ami husu tan osan ho montante 140 milloens para atu bele transfere husi fundu petroliferu ba iha ita nia kofre estadu,” dehan Fidelis Magalães.

Iha sorin seluk, relasiona ho programa governu nian, Minstru Reforma Lejislativa no Asuntu Parlamentares hateten, programa VIII Governu Konstitusional nian prontu ona, so ke sei iha diskusaun tan kona-ba programa no Governu sei kumpri dever ne’ebé mak kontempla iha Konstituisaun.

“Ami sei kumpri ami nia dever ne’ebé tuir Konstituisaun haruka. Konstituisaun dehan Governu iha loron 30 hafoin nia toma posse, para atu aprezenta ninia programa, ne’ebé se ita haree tuir kalendariu ida ne’e, ita dehan Governu nia programa ne’e nia loron ikus tama iha Parlamentu mak iha loro 22 fulun Jullu, ami sei tama antes, i ami fiar katak ami nia programa sei hetan apoiu husi parlamentu maioria absoluta, sei hetan duni lejitimidade ne’ebé atu bele lori dezemvolvimentu ba Timor-Leste.” * [Martinho Moniz | TAFARA.TL | 11.07.2018].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Ministru MNEC sei Reprezeta Estadu TL iha Simeira CPLP-Cabo Verde

“Prezidente Republika halo dekretu prezidensial ida ne’ebé liu husi komunikasaun karta Chefe Kaza Sivil nian, …

Leave a Reply

Your email address will not be published. Required fields are marked *