Wednesday , June 19 2019
Home / Sosial & Politika / Governu Japaun Inagura Renovasaun Eskola Hospitalidade no Turismo, Minami: TL Presija Rekursu Umanu Kualifikadu Iha Area Turismo
Embaixador Japaun iha Timor-Leste, Hiroshi Minami inagura eskola vocacional Hospitalidade no Turismo. [Foto: Dokumentu Embaixada Japaun iha TL | 10.04.2019]

Governu Japaun Inagura Renovasaun Eskola Hospitalidade no Turismo, Minami: TL Presija Rekursu Umanu Kualifikadu Iha Area Turismo

“Atu bele atrai turista internasional, Timor-Leste presija investe maka’as liu iha setor infrastrutura, atu bele kompete ho destinasaun turismu rai seluk nian. Alemde ne’e, Timor-Leste presija iha rekursu umanu kualifikadu iha área turismu”. Minami

Embaixada Japaun iha Timor-Leste selebra serimonia inagurasaun ba renovasaun eskola Secundaria Vocasional iha Suku Becora, liu hosi Projetu Rehabilitasaun ba Escola Hospitalidade no Turismo iha suku Becora.

Liu hosi seremonia refere Embaixador Japaun iha Timor-Leste, Hiroshi Minami hateten turismo nudar nudar setor lukrutivu ba Timor-Leste no fiar katak eskola Hospitalidade no Turismo bele halo papel importante ba dezenvolvimentu.

“Atu bele atrai turista internasional, Timor-Leste presija investe maka’as liu iha setor infrastrutura, atu bele kompete ho destinasaun turismu rai seluk nian. Alemde ne’e, Timor-Leste presija iha rekursu umanu kualifikadu iha área turismu, hau fiar Escola Hospitalidade no Turismo bele halo nia papel importante ba dezenvolvimentu rekursu umanu iha área turismu”, hateten Minami, 09/04.

Minami kongratula ba projetu rehabilitasaun eskola ne’ebe bele hadia kualidade edukasaun. Minami hateten eskola uluk iha kondisaun a’at los. Sala sira estragadu, meza, kadeira no fasilidade edukasaun udan halo estraga tamba uma kakuluk kuak, haris fatin no odamatan a’at hotu.

Projetu ida ne’e ho objetivo atu melhora ambiente aprendijazem ba esudante no profesores sira iha Escola Hospitalidade no Turismo iha Suku Becora liu husi Asistensia fundo umanitária Governo Japaun nian ba komunidade sira iha área rurál (GGP). Governu Japaun, liu husi selesaun ne’ebé rigorozu no detalho ba eskola nia proposta, no ikus mai aloka duni osan ho montante USD $ 88,195 ba projetu refere no asina kontratu iha loron 13 fulan Marsu 2018.

Projetu refere rehabilita ona sala 15, haris fatin 2 ba estudante no profesores sira, coredor eskola nian no instala ona eletrisidade.

Programa GGP implementa ona projetu hamutuk 113 iha teritorio laran tomak, iha munisipiu 13 hahu hosi tinan 1999. Programa ne’e suporta barak liu iha área infrastrutura báziku hanesan konstrusaun no rehabilitasaun fasilidade eskola, postu saúde, sistema abastesimentu bee moos no nesasidade báziku seluk ba komunidade sira iha area rurál. * [Zevonia Vieira | TAFARA.TL | 10.04.2019]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *