Thursday , May 23 2019
Home / Sosial & Politika / Governu TL Tinan Ida Ne’e Rekonese Loron Importante Ano Novo Xines
Loron ano novo ka imlek xina nian. [Foto: Google]

Governu TL Tinan Ida Ne’e Rekonese Loron Importante Ano Novo Xines

Iha Timor-Leste ami agradese, ami ho laran haksolok teb-tebes ita nia Governu tinan ida ne’e fo ona rekonese ba loron importante ida ne’e mai ita, ho ida ne’e ohin loron ami iha ne’e ho Oportunidade ida ne’e hakarak hatoo ba Governu, alem de agradese Governu ba rekonesementu ida ne’e”. Kathleen F.N

Komunidade Xines iha Timor-Leste selebra Tinan Foun ho naran Tinan Asu hanesan loron ne’ebe mak importante ba Nasaun Xina, relasiona ho tinan foun ne’e, nu’udar Vice Prezidente Xines iha Timor-Leste, Kathleen F.H. Tchong Goncalves, ba Jornalista sira, “Iha Timor-Leste ami agradese, ami ho laran haksolok teb-tebes ita nia Governu tinan ida ne’e fo ona rekonese ba loron importante ida ne’e mai ita, ho ida ne’e ohin loron ami iha ne’e ho Oportunidade ida ne’e hakarak hatoo ba Governu, alem de agradese Governu ba rekonesementu ida ne’e ami husu komesa kedas iha 5 Kintu Governu ami sempre husu para atu haree loron ida ne’e sai loron importansia ida ba hanesan loron sira seluk-seluk ne’ebe ita nia Nasaun rekonese ba iha ita nia fatin ne’e, ami husu katak, toleransia de pontu tinan ida ne’e ba oin kontinua para ita bele rekonese ida ne’e sai permanentu”. Liafuan hirak ne’e hato’o hosi Kathleen ba Jornalista sira, horiseik (16/02).

Kathleen mos hatete mai ba asosiasaun Xines, liu-liu Xina Timor oan, orgullu I marka mos istoria ida mai ami. Iha loron espesial ida ne’e laos ita deit mak iha ne’e selebra, mundu tomak fo importansia ba loron ida ne’e. Toleransia de pontu ne primeiro vez iha Timor-Leste. Ida ne’e sei kontinua selebra tinan-tinan ne’e hanesan ita nian ano novo bain-babain.

Vice Prezidente ne’e mos esplika ba aktividade ne’ebe mak sira halo ba iha loron refere katak, Aktividade tradisional maka hansa baibain familia sira haksolok hamuruk, komunidade haksolok han hamutuk, depois sira iha mos Dragon Dance, ida ne’e importante para atu ba loja hotu-hotu para komprimentus ba loja hotu-hotu ba ne’eba para atu lao aktividade fo sorte ba negosiante nain sira hotu-hotu. Kathleen mos hatete, “ita iha esperansa tinan Asu ne’e sei fo sorte barak mai ita nia nasaun, liu-liu atu ba iha agora dadauk, ita nia komandante Kayrala Xanana Gusmao iha rai liur halao hela ita nia negosiasaun fronteira maritima.”

Iha fatin hanesan, Liu Hongyang nu’udar Ambaxador Xina ba Timor-Leste hato’o nia apresiasaun katak, “Ohin loron primeiru dia ba ano novo Xines, I tinan ida ne’e tinan Asu nian. Iha ne’e hau lori Embaxada Xina nian hato’o parabens ba povu Timor tomak, espera katak iha tinan foun ida ne’e sei lori felisidade barak mai ita I fo sorte barak mai ita. Tamben espera katak relasaun ne’ebe ita nasaun rua, entre pais Xina ho Timor-leste sei dezemvolve ho susese, i susesu ba ita hotu. Espera katak koperasaun entre Xina ho Timor-Leste ba oin sei forte bebeik I sai klean ba bebeik ba oin hodi muda povu nia moris diak ba oin”.

Tuir Tionghoa sira (haktuir iha Travel China Guide), animal Asu nudar animal ida mak loyal ba ninia nain. Bainhira iha asu ida tama ita nia uma mai fiar nudar fo sorte. Sira ne’ebe moris iha tinan Asu nian ne’e sei iha independensia, honestu, loyal, no firmi. Tionghoa ninia sik ba tinan hatete katak Tinan Asu 2018 ne’e ladun fo sorte diak. *[ Henrique S. De Jesus | Editor: Ato ‘Lekinawa’ Costa | TAFARA.TL| 17.02.2018]

About Henrique Soares de Jesus

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *