Monday , March 25 2019
Home / Divertimentu / Grupu Hadomi Natureza Lao Tuir Ain Fatin Falintil Hosi Ainaro to Dili
Estudante Hadomi Natureza UNTL, hatudu sira nia espiritu hodi lao ain hosi Ainaro Soru Krak mai to iha Quarter Jeral F-FDTL, hodi fo homenajen ba heroi sira.* [Foto: Zelia Ximenes | TAFARA.TL | 20.08.2017].

Grupu Hadomi Natureza Lao Tuir Ain Fatin Falintil Hosi Ainaro to Dili

Joven sira hatudu sira nian espiritu hodi fo honra ba Falintil sira ne’ebe mak fo ona kontribuisaun ba rai ida ne’e, no ohin loron povu Timor goza liberdade hosi ukun kolonializmu, liu hosi eventu lao ain hosi Ainaro to Dili.

Estudante Hadomi Natureza UNTL, hatudu sira nia espiritu hodi lao ain hosi Ainaro Soru Krak mai to iha Quarter Jeral F-FDTL, hodi fo homenajen ba heroi sira.

Estudante Joao Fransisco R.Hornay Lesa Mata hateten, sente kontente tebes no apresia ba Falintil sira ne’ebe hatudu liu hosi sira nia terus no luta hasoru military Indonesia.

“Falintil sira hatudu sira nia terus no luta, mak ohin loron bele konstrui estadu ida ne’e no juventude sira bele goja liberdade ida ne’e”, tenik Joaa Lesa Mata.

Iha loron 20/08, Grupu Hadomi Natureza remata sira nian exersiu no to duni iha edifisiu F-FDTL, Joao Lesa Mata ba jornalista sira katak, ida ne’e nudar inisiativa hodi selebra Falintili, hodi hanoin hikas iha tempu ne’eba ai-laran, hodi say gerileru hodi kontra military Indonesia.

“Ami mos hakarak hatudu ba herois sira katak, ami jerasaun foun mos nafatin hakarak halo tuir saida mak sira halo ona, dalan ida mak liu husi tour lao ain, hahu husi Soru Kraik Ainaru , eiz komandante Falintil Kayrala Xanana Gusmao nia abrigu iha soru karik mai to iha Kuarter Jeral F-FDTL.

Estudante UNTL, Evalina Do Rosario Mendonca, ne’ebe mak hola parte iha atividade lao ain ne’e, sente orgullu tanba nudar feto iha forsa hodi lao ain ho distansia dook.

“Hau ho kolega feto balun husi Hadomi Natureza tenta involve an iha laran, tanba uluk ita nia veteran feto sira mos lao ain ba distritu kada distritu. Maske hetan difikuldade barak maibe haforsa an nafati hodi presta homenajen ba heroi sira. ”, tenik Evalina Mendoca.

Grupu Hadomi Natureza, ho dejeizu boot ba F-FDTL, bele sai hanesan lutu nasaun. Espera iha futuru ami jerasaun foun bele kontribui ba nasaun ida ne’e, hodi bele moris iha paz no estabilidade nia laran.

Eiz Falinti, Rogeiro Tiago Lobatu, hateten Falintil halo funu ne’ebe kleur no konsege duni perkore teritoriu tomak, hodi bele kontrola no fo seguransa ba nasaun.

“Joven sira ne’e hatudu sira nian kontribuisaun furak, lao husi Ainaru tama to iha Dili ne’e buat diak tebes, inisiativa nebe diak atu hatudu ba ita Timor oan tomak,  katak luta nebe ita halo ne’e lao ain sae foho tun foho no halo sakrifisiu barak. Hatudu ezemplo diak ba joven sira hotu, hau espera katak iha tinan mai tan atividade ne’e bele kontinua nafatin no parabens ba organizasaun Estudante hadomi ambiente UNTL”, hateten Rogerio.* [Zelia Ximenes | TAFARA.TL | 20.08.2017].

About Zelia Ximenes

Check Also

Bintang Festival Sei Realiza Konsertu ba Daruak iha Timor-Leste.

Banda Musika rai laran no Jamrud hosi Indonesia sei anima komunidade Timor sira iha municipio …

Leave a Reply

Your email address will not be published. Required fields are marked *