Tuesday , May 21 2019
Home / Ekonomia & Bisnis / Grupu Juventude FN Susesu Hakiak Ikan no Konsege Halo Distribuisaun
Diretor Jeral SEJD hamutuk ho gruou juventude Fundus ba Nafatin iha Municipio Eremera. [Foto: Zelia Ximenes | 17.12.2018]

Grupu Juventude FN Susesu Hakiak Ikan no Konsege Halo Distribuisaun

Grupu Fundus ba Nafatin [FN] koeleta ikan ho inisiativa hosi Juventude Munisipiu Ermera, Postu Administrativu Ermera, Suku Poetete. Grupu refere konsege susesu hodi hakiak ikan no konsege distribui ikan iha Muncipio Ermera.

Liu loron koeleta ikan, Koodenador Peskas Familiar, Jaime Soares Madeira hateten, grupu ne’e ho naran Fundus ba Nafatin (FN) harii iha 16 Junhu 2016, hamutuk hodi buka fatin halo ba sentru no to fin hetan duni fatin, no konsege duni realiza aminia mehi.

“Momentu ami hahu, buka parseiru ho Ministeriu Agrikultura no Peskas (MAP), hodi suporta ikan oan atu espalla ba paradeiru ne’ebé ma kami halo ona. Hanoin ne’e hotu mai husi ami rasik, hodi motiva mai harii moris diak. Hanesan ba joventude sira ne’ebé la assesu ba edukasaun bele assesu, hanoin hirak ne’e hanesan planu ida mai ami hodi halo mudansa ba ami nia moris e importansia mai ami mak servisu, tanba ita serviso mak it abele hetan buat ruma sei ita la servisu buat ida sei la mosu tanba planu ba moris diak laos milagre, presiza ita nia voluntario servisu hodi bele hakat ba moris diak”, hateten Jaime Madeira ba jornalista sira.

Jaime hatutan katak programa ne’e hatudu katak konsege kria kampu kolam ikan ka peska familiar hanesan suku Talimoro, Ponilala, legemia Meritutu ho fatubesi. Ikan sira ne’ebé hakiak sei distribui ba komunidade sira ne’ebé hakarak atu sosa ikan.

Jaime mos konfesa katak grupu refere la hetan formasaun hosi organizasaun ruma, maibe ne’e hanesan inisiativa rasik ho kapasidade no talentu liu husi voluntario iha Sentru Jovenntude no Cruz Vermelha Timor-Leste [CVTL] .

“Sira ne’e hanesan fanu ami no ikus mai ami hatene katak Joven ne’e dala barak dezempregu mak barak, entaun oinsa atu lori joventude sira ne’e sai husi dezenpregu entaun ita presiza servisu , ne’e hanesan ita kria kampu servisu ba ita nia an rasik, maibe ne’e presiza tempu atu finaliza ne’e. Ba futuru ami hakarak atu aumenta tan kolam ikan 25 kada suku ida”, tenik Jaime.

Iha fatin hanesan, liu husi Diresaun Nasional Juventude, Direitor Geral SEJD, João dos Santos hatete, tinan-tinan sempre tau osan hodi apoiu ba inisiativa no kreatividade joventude sira, atravesa ba sentru joventude sira ne’ebé existe iha Munisipiu 12 no RAEOA no sentru sira mak jere hodi alista tiha grupu ne’ebé eziste iha kada munisipiu, depois sira aprezenta ba Sekretariu Estadu Joventude hodi tau osan atu fasilita ba sira nia grupu.

Diretor SEJD hatutan katak liu husi Diresaun Nasional Juventude, hodi prepara no formasaun ba sira, atu kapasita sira ba iha area juventude nian, hodi nune’e sira iha kapasidade bele kria atividade husi inisiativa rasik .

Suporta ba grupu sira ne’ebé kria, ne’e la’os SEJD nia responsabilidade deit, maibé liña Ministeriu, agora dadaun mai asiste iha ne’e hodi koeleta ikan ne’e hahu husi Ministeriu Agrikultura e Peskas iha Munisipiu Ermera mak fasilita ikan ki’ik oan.

Iha futuru SEJD planu asaun liu-liu ba Dezenvolvimentu ba Emprendedorismu ba foinsa’e iha teritoriu tomak, tanba ne’e mak Sekretariu Estadu nia responsabilidade, hakarak kapasita sira liu husi formasaun.

Apoio fundus ne’ebe hetan hosi SEJD no MAP iha inisiu hahu ho montante $1000, hodi prepara material konstrusaun hodi implementa Peska Familiar. * [ Zelia Ximenes | Editor: Zevonia Vieira | TAFARA.TL | 18.12.2018 ]

About Zelia Ximenes

Check Also

UNDP-KJFL Realiza Kompetisaun Negosio Resiklazen, Negosio Sosial Importante Hodi Resolve Problema Sosial

Iha realidade ita iha dalan rua deit: primeiru, ita sai patraun ba ita an rasik, …

Leave a Reply

Your email address will not be published. Required fields are marked *