Home Perfil Midia Online Tafara

Perfil Midia Online Tafara

2,261
SHARE
Perfil Midia Online Tafara

TAFARA.TL hanesan portal notisias online ida iha Timor-Leste, ho ninia hanoin ba oin atu hari sosiedade Timor ida neébe siviku, atraves divulgasaun informasaun aktual, faktual, kritiku no kredivel ba Timor-Oan iha rai-laran, nomos hirak neébe nam'kari lemorai. Midia ida neé mos nudar espasu ida hodi habelar informasoens ba mundu internasionais, nudar meius ida hodi hatudu katak Timor-Leste existe no harin-an metin hanesan nasaun soberanu.

TAFARA.TL divulga informasoens hosi aspetu oi-oin: sosial, politika, ekonomia, divertimentu, desportu, teknolojia, no sel-seluk tan, inklui mos informasaun seluk hosi mundu internasional. Leitores TAFARA.TL mai hosi background oi-oin hanesan ema profisional sira, estudantes, ativista, politiku-nain sira, negosiador, empregadu publiku no privadu, nomos maluk hirak neébe sei moris iha situasaun marjinalizadu hosi prosesu Rekontrusaun Estadu.

Konteudo notisias iha TAFARA.TL hakerek ho badak, klaru, kritiku no kroat, nudar maneira ida hodi responde ba exijensia sosiedade Timorense neébe loron ba loron konsidera informasaun hanesan ona nesesidades. Klaru katak ida neé tanba dezenvolvimentu teknolojia mak avansadu teb-tebes hodi ema hotu-hotu bele asesu ba informasaun hosi fatin neébe deit sem limitasaun tempu. Bareira fatin no tempu so bele harahun atraves midia online, ida mak TAFARA.TL.

TAFARA.TL funda hosi Metodio Caetano Moniz, Fernando Antonio da Costa, no Zevonia Vieira iha loron 23, fulan Agosto, tinan 2015 no hahu lansa iha loron mak hanesan. Ikus mai, kolegas lubuk ida mak kontribui voluntariamente hodi haburas TAFARA.TL ninia naran. Sira neé mak hanesan Martinho Moniz,  Maria do Ceu J.O. Gusmao, Jesuino Marcal de Jesus, Gilberto Soares dos Santos, Luis Antonio Soares, Bebiana A.M. Soares, Yane Elfrida D. Maia, Emanuel Andrade de Araujo, Henrique Soares de Jesus, no Virginia Renata Pereira Rodrigues.

Iha loron 22 de Marco de 2017 TAFARA.TL legalmente rejistadu no hetan Certidao do Registo Comercial hosi SERVE (Seervico de Registo e Verificacao Empresarial) ho numeru prosesu 15758, hamahan-an iha kompania TRIO TAFARA ONLINE, LDA.