Friday , September 21 2018
Home / Divertimentu / Hapara Violensia Konfrotativu, Hamosu Paz No Estabilidade
Imajen loron valentine 14 Fevereiru [Foto: google]

Hapara Violensia Konfrotativu, Hamosu Paz No Estabilidade

Idak-idak kuda nafatin domin iha fuan no tenke hakribi violensia, katak ho violensia sei la kontribui buat diak ida ba ita nia moris. Diferensia Partidu la bele sobu ita, diferensia Partidu la bele halo ita sai Inimigo”. Nivio Magalhaes

Relasiona ho Loron Valentine Day, iha Grupu tolu ː HJCTL, JOKER ART no KNUA neebe mak hetan suporta husi Banco Mandiri ho Start Print, halao programa ho tema “Hapara Violensia Konfrontativu, Hamosu Paz no Estabilidade Iha Ita Idak-idak Nia Fuan” PEACE AND LOVE, neebe mak realiza iha Lecidere Dili, Loron 14/02/2018.

Relasiona ho eventu nee, Secretario do Estado ba Juventude no Trabalho, Nivio Magalhães iha nia deskursu hateten, importante tebes juventude bele kontribui ba Paz, estabilidade no dezenvolvimentu iha rai doben Timor-Leste

“Ita haree fila fali ba kotuk, ohin ita selebra Valentine Day, ida nee loron domin ninian, maibe husu espiritu ida Santo Valentino nian, bele nafatin hamutuk ho ita ida-idak, atu nunee bele kontribui ba Paz iha rai ida nee”, hateten Nivio.

Nivio afirma katak, hapara Violensia Konfrontativo, hamosu paz no estabilidade iha Ita Idak-idak nia fuan, ne’e nudar liafuan simplis, maibe nia sentidu nee boot tebes ba joventude sira. Ohin ema barak koalia dehan juventude gosta kontribui ba krime ba violensia, balu mos dehan juventude tur fuma sigaru deit, hemu tua deit no gosta halo problema deit. Tanba nee mak Sekretaria do Estado Juventude de Trabalho mos fo atensaun maximu ba mudansas karakter juventude nian, juventude tenke sai parte ida husi solusaun, ba problema ne’ebe nasaun infrenta, laos atu kontribui fali ba problema iha nasaun ida nee”, hateten Nivio

Sekretariu Estadu Nivio mos husu ba joven sira atu idak-idak kuda nafatin domin iha fuan no tenke hakribi violensia, katak ho violensia sei la kontribui buat diak ida ba ita nia moris. Diferensia Partidu la bele sobu ita, diferensia Partidu la bele halo ita sai Inimigo.

Iha parte seluk hanesan Joven neebe mak kreativu, Carlizia Roberto Gastelana Lopes, ba TAFARA.TL haeteten, hanesan loron domin nian, maibe joven ne’ebe kreativu hakarak selebra ba loron Paz no Domin no estabilidade nian, oinsa ita hamosu domin no dame iha ita ida-idak nia fuan, antes fo domin ba ema seluk

Iha fatin hanesan Joanito da Costa Pinheiro ba TAFARA.TL hateten hanesan Juventude kuandu koalia kona ba Peace and Love, oinsa bele fo kontribuisaun para atu kombate konflitu. Paz no domin, ida nee maka Xavi lolos, “liu husi domin mak ita bele sente paz, juventude ida bele moris livre husi konflitu. Iha konsiensia para ita bele haree rasik ita nia esperensia iha future, oinsa ita bele haree ba dezenvolvimentu. *[Emanuel A. De Araujo | Editor: Zevonia Vieira | TAFARA.TL | 16.02.2018]

About Emanuel Andrade

Check Also

Prosesu Selesaun Atleta Silat Ba Asian Games Tenki Para, Tamba Mosu Konfrontasaun

“Prosesu selesaun ba ohin loron ne’e, tenki para iha ne’e, atu nune’e bele hamate konfrontu …

Leave a Reply

Your email address will not be published. Required fields are marked *