Saturday , April 20 2019
Home / Sosial & Politika / Haree ba Situasaun Politika, PR Enkontru ho General Sira
[Foto: Prezidensia Republika]

Haree ba Situasaun Politika, PR Enkontru ho General Sira

Haree ba situasaun politika Timor-Leste, relasiona mos ho vizita ofisial Prezidente Republika nian ba Indonézia iha loron 27 to’o 29, Prezidente Republika konvida no tur hamutuk ho General sira hodi fo responsábilidade ba sira atu bele tau matan ba situasaun iha rai laran.

Hafoin enkontru ne’e, Maijor General Lere Anan Timur hateten, “iha situasaun politika hanesan ne’e, hau hanoin PR la podia ba maibe, ne’e segunda vez nia hakarak ga lakoi ne’e tenke ba tamba ita nia país Vizinhu ida,” dehan Lere.

Iha sorin seluk, hare ba lista VIII Governu ne’ebe entrega husi Taur Matan Ruak ba Prezidente Repblika,  Taur Matan Ruak indizita mos Vice-Chefi Estadu Mayor General, Filomeno Paixão ba Ministru Defeza. Tuir informasaun iha semana hirak liu ba,  Vice-Chefi Estadu Mayor General, Filomeno Paixão hato’o ona karta resignasaun no hetan ona aprovasaun maibé seidauk hetan Pose ba kargu Ministru refere.

Relasiona ho asuntu ne’e Lere esplika, “Filomeno Paixão seidauk tomada de pose tamba komplikasaun de Lei.” Nia hatutan “Meno husu Reforma nia, nu’udar Chefi Estadu Mayor General hau aprova tia ona, kestaun hirarkia ba reforma sira ne’e, tenke haruka ba Governu no Presidente Republika,” esplika Lere Anan Timur.

Enkontru ofisial ne’e hala’o iha Palasiu Prezidente Republika, Aitarak-Laran, Dili, Timor-Leste.* [Jesuino de Jesus Marçal | TAFARA.TL | Editor: Martinho Moniz | 26/06/2018].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Bankada Fretilin Sauda no Respeita PR nia Desizaun Promulga OJE 2019

Relasiona ho Prezidente da Republika, Francisco Guterres Lú Olo promulga Orsamentu Jeral Estadu [OJE] 2019, …

Leave a Reply

Your email address will not be published. Required fields are marked *