Friday , August 17 2018
Home / Sosial & Politika / Horta: Estadu Tenke Respeita Liberdade Imprensa, Gil: Media Tenke Hamosu Auto Regulasaun
Prezidente KI, Virgilio Guterres kolia iha Dili Dialogue Forum. [Foto: Media KI | 19.07.2018]

Horta: Estadu Tenke Respeita Liberdade Imprensa, Gil: Media Tenke Hamosu Auto Regulasaun

“Média inklui jornalista sira la presiza estadu maka regula, média maka tenke hamosu mekanizmu hodi regula média nia servisu, liu husi harii liña auto-regulasaun ne’ebé rejiaun sudeste aziatiku no pasifiku”. Prezidente KI

Laureadu Nobel da Paz José Ramos Horta bá jornalista sira hatete atu kontribui bá transparansia no integridade tenke hahu husi média rasik, governu inklui estadu tenke respeita média nia liberdade

“Ha’u hatete regra prinsipiu maka média tenke iha integridade no imparsialidade. Estadu iha obrigasaun atu respeita liberdade imprensa no liberdade kritika”, hateten Ramos Horta Dili Dialogu Forum iha salaun MdF 19/07.

Eis Prezidente Republika deklara mos katak atu hakbiit imparsialidade no integridade servisu média nian importante liu, maka estadu no governu tenke respeita media nia liberdade, mesmu média kritika governu no hakerek sala ne’e normál la’ós atu taka média.

Iha fatin hanesan Prezidente Konselho Imprensa [KI] iha entervista klarifika katak média inklui jornalista sira la presiza estadu maka regula, média maka tenke hamosu mekanizmu hodi regula média nia servisu, liu husi harii liña auto-regulasaun ne’ebé rejiaun sudeste aziatiku no pasifiku

“Regulasaun saida de’it labele limite liberdade imprensa. Iha nasaun seluk ko’alia kona-ba auto-regulasaun, ne’e públiku maka regula hanesan Australia no Nova Zelandia. Ne’e kompañia média no asosiasaun jornalista sira maka hamutuk harii, laiha relasaun ho governu no estadu”, deklara Virgilio Guterres.

Eis Jornalista senior ne’ebe mak hatudu esperiensia iha tempu okupasaun hateten sei enkoraja nafatin, atu nune’e média sira hotu bele hamosu auto-regulasaun, liu husi profesionalizmu média ida-idak nian, atu halo aprovasaun kode etika média nian, tuir kodigu konduta ne’ebé maka redasaun média ida fó, atu nune’e la presiza governu atu manda tuir kodigu ne’ebé governu prodús.

Konsellu Imprensa Timor-Leste inklui Konsellu Imprensa iha sudeste Aziatiku no Pasifiku hala’o sorumutu ne’ebé ho naran Dili Dialogue Forum, ho objetivu iha futuru sei hamosu liña hodi haforsa auto-regulasaun média nian.

Forum ne’e hetan partisipasaun masimu husi korpu diplomata nasionál no internasionál, secretariu estadu SECOMS, jornalista Timor oan, inklui estudante universitariu sira. * [ Ekipa TAFARA.TL | Editor: Zevonia Vieira | TAFARA.TL | 20.07.2018 ]

About Other Source

Check Also

SEKOMS Halao Enkontru Ho HAK, Hodi Rona Avaliasaun Area Komunikasaun Sosial

“Komunikasaun entre instituisaun governante sira ba nia povu la dun lao diak, entaun povu rasik …

Leave a Reply

Your email address will not be published. Required fields are marked *