Friday , August 17 2018
Home / Sosial & Politika / Horta Husu ba ParPol Sira Haluhan Tiha Lia Fuan Kroat, Hamutuk Buka Solusaun
Lider nasional Dr. Jose Ramos Horta halo enkontru ho Prezidente da Republika, Dr. Francisco Guterres Lú Olo. [Foto: Media PR | 10.08.2018]

Horta Husu ba ParPol Sira Haluhan Tiha Lia Fuan Kroat, Hamutuk Buka Solusaun

Fretilin, CNRT, PD no PLP tenke tur koalia ba malu, haluha tiha lia fuan kroat sira ne’ebe durante ne’e hatete sai kampanna nia laran, hodi hare solusaun ne’ebe diak ba rai ida ne’e

Eiz Presidente da Repulika, Dr. Jose Ramos Horta, hasoru malu ho atual Prezidente da Republika, Dr.Francisco Guterres Lú Olo, hodi rona apresiasaun hosi Prezidente kona ba situasaun iha rai laran.

Hafoin remata enkontru ho Prezidente Lú Olo, Ramos Horta informa ba jornalista sira katak, objetivu hosi enkontru ida ne’e atu rona esplikasaun hosi Prezidente da Republika nia apresiasaun, konaba situasaun politika nasional.

“Ita hotu hotu ne’e, liu-liu populasaun no sosiedade sivil, preokupa liu ho tensaun ne’ebe mak nafatin akontese iha instituisaun sira nia laran, preokupa ho programa governu, orsamentu, ekonomia la lao ba oin tamba situasaun ne’e. Foin dadaun Prezidente simu Primeiru Ministru, hodi halo dialogu, kontinua para hetan solusaun ba problemas balun ne’ebe sei iha, Prezidente mos hatudu ninia vontade diak, atu hetan solusaun lia los, nudar politiku prisipiu, laos atu kria fatuk iha estrada laran ba governu”, dehan Horta iha palacio prezidensia, 9/08.

Horta mos hateten katak nia garantia iha tempu badak, sei kria lei organika, antes hahu debate orsamentu. Prezidente iha obrigasaun, hodi haruka pedidu orsamentu fundu mina ne’e ba Tribunal.

Ba jornalista sira Horta hatoo nia lia menon ba partidu politiku sira ne’ebe hetan asentu iha parlamentu nasional, hanesan Fretilin, CNRT, PD no PLP tenke tur koalia ba malu, haluha tiha lia fuan kroat sira ne’ebe durante ne’e hatete sai kampanna nia laran, hodi hare solusaun ne’ebe diak ba rai ida ne’e. * [ Henrique S. de Jesus | Editor: Zevonia Vieira | TAFARA.TL | 10.08.2018 ]

About Henrique Soares de Jesus

Check Also

Membru Komunidade Balun nia Moris Depende ba Lixueiru Tibar, Maske Fatin Refere Bele Lori Moras

Aldeia Turlio, Tibar fatin ida ne’ebé Governu determina hodi soe lixu ne’ebé produz husi komunidade …

Leave a Reply

Your email address will not be published. Required fields are marked *