Wednesday , January 17 2018
Home / Sosial & Politika / Horta: Iha Solusaun Tolu Ne’ebe PR Sei Sukat, Antes Foti Desizaun
Minstro de Estado e Conselheiro para Seguransa Nasional, Dr. Jose Ramos Horta halo entrevista ho jornalista sira iha Palacio Prezidensia Bairo Pitte-Dili [Foto: Zevonia Vieira | 05.01.2018]

Horta: Iha Solusaun Tolu Ne’ebe PR Sei Sukat, Antes Foti Desizaun

“Solusaun ikus liu mak elisaun antisipada, sekarik Prezidente desidi ida ne’e normal, laiha mekanismu ne’ebe bele demokratiku liu, lejitimu liu duke elisaun antisipada”. Horta

Minstro de Estado e Conselheiro para Seguransa Nasional, Dr. Jose Ramos Horta hasoru malu ho Prezidente da Republika, hodi aprezenta situasaun rai laran ne’ebe lao normal iha fulan tolu, hosi Outubro to Dezembru nia laran no visaun seguransa ba futuru. Informasaun ne’ebe mai hosi FFDTL no PNTL, mai hosi servisu seguransa nasional, intelejensia FFDTL nian hotu, konfirma katak segurasan iha rai laran lao diak.

Iha enkontru refere Horta informa katak Prezidente da Republika akompanna situasaun politika, iha tempu ne’e nia laran, Prezidente sei halo konsulta ho partidu politika sira, bankada sira iha parlament, hodi resolve situasaun empase politika ne’ebe iha.

“Iha solusaun tolu premeiru bankada sira iha parlamentu fo kolaborasaun ba governu, para governu ne’e bele hahu implementa nia programa ne’ebe promete ba povu, maibe atu implementa presiza orsamentu ne’ebe mai hosi OJE 2018. Segundu bele governu seluk ida katak inklusaun mais nafatin ho Fretilin mak lidera, tanba partidu mais votadu. Solusaun ikus liu mak elisaun antisipada, sekarik Prezidente desidi ida ne’e normal, laiha mekanismu ne’ebe bele demokratiku liu, lejitimu liu duke elisaun antisipada. Prezidente sei sukat buat hotu no halo desizaun”, esplika Horta.

Hatan ba perguntas hosi TAFARA.TL liga ho empase politika ne’ebe lao sedauk iha orsamentu hodi implementa programa no apoiu operasional ba seguransa rai laran ba oin, solusaun saida mak prepara hodi apoia seitor seguransa antisipa instabilidade rai laran no krizi ekonomia?

Eis Primeiru Ministru ne’e responde katak fiar situasaun rai laran kontinua lao hakmatek, governu mos kontinua mobiliza apoio internasional, hodi apoio emerjensira sekarik governu presiza.

“Governu mobiliza apoio internasional para apoio emerjensia ruma ne’ebe ita presiza intermus de alimentasaun, apoio umanitario mesmu liu hosi apoio orsamentu. Governu ida ne’e rekonnesidu hosi uniaun intrernasional tomak no iha relasaun diak ho rai hotu. Governu desidi presiza apoio extra mai hosi parseiru internasional, hau fiar sira hotu simpati ba governu, sira kontente ho programa governu nian, sira hakarak mos tane as estabilida iha Timor. Tanba ne’e sekarik posibilidade iha risku ruma ba iha instabilidade, tanba orsamentu laiha, hau fiar katak presiza sira sei aselara sira nia apoio tomak ne’ebe emerjensia. Maibe durante mos parseiro internasional sira nia programa kontinua lao hela”, hateten Horta.

Horta mos informa katak esforsu diplamtiku governu nian liu hosi Minstro de Estado e Conselheiro para Seguransa Nasional sei kontinua nafatin, no parseria ho Ministro de Negocios Estrangeiros e Cooperasaun, hodi partisipa iha premier reuniaun politiku iha Bruchel entre governu Timor ho Uniaun Europea no Timor iha simpatia iha ne’eba.*[Zevonia Vieira | TAFARA.TL | 05.01.2018]

 

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Luis: PPN Blokea Ajenda Hosi AMP, Branco: AMP Husu Ajenda Ba Sira nian Interese

“Akontese maka ajenda deit, ba interese grupu ninian, atu hadau poder, entaun ami hare katak …

Leave a Reply

Your email address will not be published. Required fields are marked *