Sunday , June 24 2018
Home / Sosial & Politika / Horta Lidera Enkontru Restrita Ba Situasaun Ameasa, Paz no Seguransa
Minstro de Estado e Conselheiro para Seguransa Nasional, Dr. Jose Ramos Horta halo entrevista ho jornalista sira iha palacio governu. [Foto: Zevonia Vieira | 20.02.2018]

Horta Lidera Enkontru Restrita Ba Situasaun Ameasa, Paz no Seguransa

“Dezafius ne’ebe bele mai hosi krimi organizadu oin-oin, prostituisaun hosi liur, jogu illegal, droga, money laundry tanba se estadu la hetan medidas para kombate bele sobu estabilidade no paz”. Ramos Horta

 Minstro de Estado e Conselheiro para Seguransa Nasional, Dr. Jose Ramos Horta halo enkontru ba dahuluk ho instiuisaun seguransa, defeza no sosiadade sivil sira, hanesan enkontru brainstorming no akademiku, hodi analiza situasaun ameasa paz no seguransa.

Ba jornalista sira, iha palacio governu, 20/02 Ramos Horta esplika katak, liu hosi enkontru ida ne’e, oinsa mak estadu bele organiza an diak liu, instituisaun seguransa sira koordena malu ho diak liu, hodi halo infrantamentu, fo resposta ba dezafius ne’ebe bele ameasa ba paz no estabilidade iha Timor.

“Dezafius ne’ebe bele mai hosi krimi organizadu oin-oin, prostituisaun hosi liur, jogu illegal, droga, money laundry [Fase osan. Red]   tanba se estadu la hetan medidas para kombate bele sobu estabilidade no paz. Kuantu ba situasaun politika, ohin hau bele hatete ho fiar katak problema ne’ebe menus liu ka minimu iha Timor mak problema politika, amaeasa ba paz no seguransa, la mai hosi parte politika tanba ita hare komprotamentu politika mai hosi lider sira, hosi grupu oin-oin, inklui grupu arte marsial. Problema ne’ebe bele boot, se estadu la organiza an, instituisaun la koordena ba halo prevensaun mak bele mai hosi krimi organizadu”, hateten Horta

Horta fo hanoin katak krimi organizadu hahu uluk mai hosi liur, kuandu iha elementus iha laran, hakarak aproveita krimi organizadu, tanba krimi organizadu iha mundu ne’e barak akontese.

Iha fatin hanesan Primeiru Minsitru, Dr. Marí Alkatiri ba jornalista sira hateten objetivu hosi enkontru ida ne’e, atu koalia konaba area seguransa, defeza no estabilidade nasional no regional.

Tuir Marí katak seguransa no defeza laos deit FFDTL no PNTL maibe sosiadade sivil no instituisaun sira hotu.

Iha enkontru ne’e Marí Alkatiri mos informa ba jornalista sira katak, ekontru ne’ebe organiza hosi Ramos Horta, mos halo diskusaun konaba loron asina akordu kona ba fronteir martima iha Nova Yorke ne’ebe sei halao iha loron 6 Marsu.

“Depois sei halo negosiasaun ba fronteira terestre no fronteira maritime ho Indonesia, signifika katak ita nia fronteira ne’e aumenta ba bebeik, ita presiza halo buat ida katak, bainhira iha lina ona, laos atu defende maibe atu uza ba paz no estabilidade, signifika katak seguransa liga ho vijinhu, liga ho koperasaun ho vijinhu sira, visaun seguransa ne’e mais global”, esplika Marí.

Tuir observasaun hosi TAFARA.TL katak, liu hosi enkontru konaba seguransa nasional ne’ebe lidera hosi Dr. Jose Ramos Horta, hetan mos partisipasaun hosi Ministru Defeza e Seguransa, Major Jeneral F-FDTL, Lere Anan Timur, Komandante Jeral PNTL, Julio Hornai, Sosiadade sivil, Konselho Imprensa no orgaun komunikasaun social sira. *[Zevonia Vieira | TAFARA.TL | 20.02.2018]

About Zevonia Vieira

Zevonia Vieira, Chefe Redasaun TAFARA.TL, hamutuk ho Metodio Caetano Moniz & Fernando Antonio da Costa hari media online TAFARA.TL, iha Oe-cusse, Ambeno, dia 23 de Agosto de 2015.

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *