Monday , June 17 2019
Home / Sosial & Politika / Iha Tempu Badak Primeiru Minsitru Sei Inagura Estrada Aitutu no Same Vila
Diretora Kompania Tinolina, Agustinho Gomes hasoru malu ho Primeiru Minsitru , Dr. Marí Alkatiri iha palacio governu. [foto: Media GMN | 06.02.2018]

Iha Tempu Badak Primeiru Minsitru Sei Inagura Estrada Aitutu no Same Vila

Kompania Tinolina ne’ebe kaer projetu hadia estrada diresaun Ai-tutu Same vila, hasoru malu ho Primeiru Ministru, Dr. Marí Alkatiri iha palacio governu 06/02, hodi koalia konaba loron inagurasaun estradara.

Haofin remata enkontru ba jornalista sira, Diretor Kompania Tinolina, Agustinho Gomes hateten, konstrusaun estrada Aitutu no Same vila remata ona. Agora mai husu Primeiru Ministru, Dr. Marí Alkatiri hodi ba inagura estrada refere iha tempu badak nia laran

“Ami nia servisu iha Ai-tutu Same ho Same Vila hotu ona, ami husu Primeiru Ministru nia tempu, para atu ba halo inagurasaun, Primeiru Ministru ohin liu husi Xefe Gabinete marka ona dia 17 de Febreiru atu inagura estrada Ai-tutu no Same”, informa Agustinho ba jornalista sira 06/02.

Agustinho mos informa katak, tuir lolos konstruksaun estrada inagura ona iha tinan kotuk, maibe tanba iha problema barak, tinan ida ne’e foin mak halo inagurasaun, tanba problema hirak ne’e foin resolvidu.

“Hau fo tiha ona relatoriu ba Primeiru Ministru, relatoriu atrazu tanba problema sosias, problema ema nia uma, ai oan ne’ebe presiza tempu, hodi halo negosiasaun. Felizmente iha fulan Jullu iha tinan kotuk, ami hakotu problema sira ne’e”, konfesa Agustinho

Durasaun tempu hodi halo konstrusaun ne’e halao durante tinan tolu, maibe tanba problema sosiais, estrada refere foin finaliza. Estrada ne’e iha 26 km, iha Ai-tutu no 23 km iha Same laran. Total orsamentu halo konstrusaun estrada diresaun Ai-tutu ho Same Vila hamututk 40 Milloens ba pakote rua.*[Bebiana Soares | Editor: Zevonia Vieira | TAFARA.TL | 06.02.2018]

About Bebiana Soares

Bebiana Soares, Jornalista TAFARA.TL, ativu desde tinan 2015, no mos nudar membru Asosiasaun Alumni Parlamentu Foinsa'e Timor-Leste (APFTL). 🇹🇱

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *