Friday , September 21 2018
Home / Sosial & Politika / Iha Tempu Badak Xanana sei Esplika Rezultadus Negosiasaun Fronteira Maritima
Xefe Negosiador Fronteira Maritima Kay Rala Xanana Gusmao. [Foto: Timor-Leste Maritime Boundary Office].

Iha Tempu Badak Xanana sei Esplika Rezultadus Negosiasaun Fronteira Maritima

Timor-Leste konkista nia independensia iha loron 20 fulan Maio 2002, nune’e Timor-Leste presija konkista mos nia independensia total no kompleitu. Nune’e, lider historiku Kay Rala Xanana Gusmão la’o hale’u mundu hodi kolia konaba fronteira maritima entre Timor-Leste ho Autralia, no iha tempu badak, Xanana informa nia sei esplika ba publiku konaba asuntu ne’e.

Lia hirak ne’e hato’o husi Prezidente Partidu CNRT Kay Rala Xanana Gusmão,  Domingo (11/03/2018), iha Sede Nasional Partidu CNRT, ba midia nasional sira atraves konferensia imprensa.

Xefe Negosiador ne’e hatan ba media sira katak difisil teb-tebes atu kolia konaba Greater Sunrise no fronteira maritima iha tempu ne’ebe badak.

“Hau husu diskulpa ba Jornalista sira no ba publiku, difisil uiotan atu esplika Greater Sunrise ba imi,” tenik Xanana.

La’os dehan lakoi, maibe nia sei buka tempu ida, prepara didiak ho aprezentasaun sira hotu hodi komprende didiak mak bele, porque lae ita hakerek, hakerek sala fali, ita susar uitoan, hatutan Xanana.

Hatan ba perguntas seluk husi Jornalista sira konaba liña maritima entre Timor-Leste ho Australia, oinsa ho Indonésia? Xanana esplika, kuaze prosesu tinan rua ne’e Timor-Leste ho Australia. Indonezia hatene katak ida ne’e entre Australia ho ita, Indonésia la tama. Agora se buat ruma ita ho Indonésia, tanba ita sei kolia fronteira maritima ho Indonésia ne’e ita ho indonésia, Australia laiha buat ida atu tama.

Hatan ba kestaun konaba benefisiu mak Timor-Leste sei hetan hosi rezultadus renegosiasaun mak halao tiha ona, Xanana repete katak defisil atu esplika agora kedas ba publiku hodi komprende, ne’e presiza tempu.

“Hau esplika liu deit, susar uitoan, ohin balun temi ona, 21% vs 79%, difisil kolia hanesan ne’e ita bo’ot sira atu komprende. Hau mos lori tinan rua atu komprende”, tenik Kay Rala Xanana Gusmão iha konferensia imprensa refere.

Xanana haktuir, em jeral ita iha tiha ona fronteira maritima. Atu hetene klean liu konaba substansia ka signifikansia lolos husi fronteira maritima, presija tempu ne’ebe sufisiente hodi esplika, tanba agora bele fo sai ona. Ne’ebe depois mak esplika didiak.

Xanana mos promote katak dentru de semana mai ne’e nia parte sei prepara didiak power point hodi aprezenta, mais la’os hanesan prezidente CNRT. Aprezenta para publiku bele hare didiak, tanba oras ne’e bele fahe ona buat sira ne’e ba ema hotu, esplika didiak ba ema hotu, lae susar atu komprende.

Hatan ba pergunta husi Jornalista GMN TV konaba entre fronteira maritima no Greater Sunrise, ida ne’ebe mak importante liu, Xanana responde katak fronteira maritima mak determina Greater Sunrise nia pozisaun.

“Improtente liu ita dehan fronteira maritima, fronteira maritima mak bele dehan katak Greater Sunrise ne’e iha ne’ebé,” Comandante em Chefe das FALINTIL ne’e afirma.

Ikus liu Xanana husu, maske ita manan ona fronteira maritima, maibe ita labele taka matan, kontenti, se lae ema hadau ita hakfodak mais ema liu tiha ona.* [Martinho Moniz | TAFARA.TL | Editor: Metodio Caetano Moniz | 12.03.2018].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Lú Olo: Estadu Tenke Halo Knaar Importante Ba Ekonomia, Presiza garante Bens no servisu Publikus

“Estadu tenke haree oinsa mak bele asegura finansiamentu ba despeza públika liu hosi reseitas hosi …

Leave a Reply

Your email address will not be published. Required fields are marked *