Monday , June 17 2019
Home / Sosial & Politika / Impaktu Hosi Menus Industria, Numeru Dezempregu Atinji 11%
Ema hirak ne'ebe hein hela serbisu.[Foto:weforum.org].

Impaktu Hosi Menus Industria, Numeru Dezempregu Atinji 11%

Numeru dezempregu iha Timor Leste atinji ona 11% ho idade produktivu bazeia populasaun atual, razaun principal maka area industria iha rai laran, sei menus hodi bele fo servisu ba populasaun sira.

Direitor Jeral SEJT, Paulo Alves hateten iha ekontru komisaun PFN katak, Faktus iha Timor Leste, Timor seidauk iha industria, faktus ida tan numeru dezempregu iha Timor Leste atinji ona 11%.

Paulo mos hateten, atu diminui numeru 11% ne’e, SEJT sei fasilita juventude sira ho idade husi 17 to’o 39 hodi hetan servisu iha Australia no Korea-Sul bazeia ba MoU ne’ebe Timor Leste asina ona ho nasaun rua ne’e.

Paulo mos informa, Governu Timor Leste haruka ona trabalhadores hamutuk nain 2804 maka servisu ona iha Korea-Sul ne’ebe servisu iha area fabrika industria no peska, husi kedas 2008, trabalhador iha Korea-Sul hatama osan milhões 30 dollares Americano.

Presidente Komisaun C PFN ne’ebe trata asuntu Juventude ho empregu no empregabilidade, Gil Ximenes Gusmão, hateten “Kauza husi dezempregu hirak ne’e tamba menus kampu trabalho no menus skill, no ida seluk mos tamba sei menus industria” dehan Gil, foinsa’e idade 18.

Gil mos esklarese Juventude iha area remotas barak mak sei menus skill atu loke kampu trabalho rasik ba nia-an, no formasaun abilidade ne’ebe uluk guvernu loke iha baze la kondus ho realidade Juventude sira nia nesesidade, hanesan loke kursu lian Corea iha postu administrativu Laga, mas juventude presija formasaun kona ba meubel, hortikultura no agua-pecuaria hanesan atividade produtiva ne’ebe bele loke auto empregu ba juventude sira.

Problema menus kampu trabalho sai preokupasaun juventude barak ne’ebe buka hela servisu, kompania local no ONG barak sei dependensia ba Governu sai mos fator ida ne’ebe seidauk bele fornese kampu servisu barak ba juventude sira, fator seluk mos maka seidauk iha fabrika industria barak iha rai laran atu nune’e bele fo empregu ba juventude sira.* [Ambrocio Purwanto Colo | TAFARA.TL | Editor: Zevonia Vieira | 14.12.2017].

About Ambrocio Colo

Ambrocio Colo, Kontributor TAFARA.TL, nudar mos Alumni Parlamentu Foinsa'e Nian [PFN] ba Periodu Daruak.

Check Also

Lú Olo: Jornalista Mak Fahe Informasaun Importane no Promove Debates

“Jornalista sira tenke iha responsabilidade, Adelino Gomes hateten jornalista laos hatene hakerek nutisia deit, laos …

Leave a Reply

Your email address will not be published. Required fields are marked *