Wednesday , June 19 2019
Home / Eleisaun Parlamentar / Informasaun Iha SosMed Ne’e Falsu:, Euclides: Garante Halao Movimentu Hanesan Babain
Membru Policia Nacional Timor-Leste. [Foto: copyright The Timor News].

Informasaun Iha SosMed Ne’e Falsu:, Euclides: Garante Halao Movimentu Hanesan Babain

“Hau atu klarifika informasaun iha media social dehan hamennus movimentu kalan iha fatin-fatin sira ne’ebe, ne’e informasaun falsu. PNTL la hasai informasaun ne’e, tanba ne’e lalika fiar. Situasaun em jeral hakmatek ne’ebe lalika tauk, halo imi nia atividade hanesan babain”, Julio hornay.

Relasiona ho rumoris ne’ebé fahe tutan iha media sosiál, hanesan Whatsapp no Mensenger kona-ba “Informasaun husi PNTL katak se-bele ita hamenus movimentu iha munisipiu sira hanesan Dili, Baucau, Viqueque, Liquiça, Ermera. Iha kalan evita movimentu iha area sira hanesan: Metinaro/Sabuli, Hera, Terminal Becora, St.Cruz, Kintal Boot, Mascarenhas, Manu-Meta Raihun, Ailok laran RTK, Hudi laran, Bebonuk/Kampung Tuti, Beto Aldeia Mate la hotu, Raikotu, Kampung Merdeka, area eskola 30 Agostu, SD Manleuana, Palapaso area Fatuhada no Aimutin. Favor fó hatene ba maluk no membru familia sira atu la’o karik kuidadu-an ba.”

Nune’e jornalista TAFARA.TL konfirma via telefone ho parte Policia Nacional Timor-Leste (PNTL), segundu komandante Munisipiu Dili, Superintendente Euclides Belo hateten ida ne’e fontes informasaun ne’ebé la loos, nafatin kontinua halo movimentu ba.

“La los ida, halo movimentu nafatin hanesan babain. Policia halo nia kna’ar hodi halo check point ba iha kareta, motor. Asuntu sira seluk, sasan kro’at sira ne’e mak ami halo,” esplika Euclides Belo husi telefone ba jornalista TAFARA.TL 13/04/18.

Nafatin jornalista TAFARA.TL tenta konfirma kona-ba fatin sira ne’ebé mak mensiona ona iha leten hodi hamenus movimentu iha kalan, nune’e nia hateten katak, informasaun ida ne’e lalos, nia garante Dili laran nafatin la’o normal nafatin durante 24 oras nia laran, nafatin hala’o movimentu sira.

Komandante Jeral PNTL, Julio Hornay mos informa on, hodi kontra rumoris ne’ebe iha katak, informasaun ne’ebe lori PNTL nia naran ne’e informasaun la los.

“Hau atu klarifika informasaun iha media social dehan hamennus movimentu kalan iha fatin-fatin sira ne’ebe, ne’e informasaun falsu. PNTL la hasai informasaun ne’e, tanba ne’e lalika fiar. Situasaun em jeral hakmatek ne’ebe lalika tauk, halo imi nia atividade hanesan babain”, informa Julio hornay.

Ministru Defeza e Seguransa, Agustinho Sequera Somotxo ba TAFARA.TL iha palacio Prezidente 06/04 mos informa katak PNTL ho FFDTL sei garante seguransa durante iha situasaun kampanna no durante loron votasaun, situasaun sei lao diak no fiar metin ba PNTL no FFDTL, hodi halo sira nia servisu ho diak.

Haree ba situasaun polítika ohin loron, ne’ebe facebooker sira uza social media hodi isulta malu iha tempu kampanna politika, halo ema sira ne’ebe laiha responsabilidade uza oportunidade ida ne’e hodi fahe rumoris ba komunidade sira atu fiar rumoris ne’ebe espalla iha social media. *[Maria do Céu | Editor: Zevonia Vieira | TAFARA.TL|13.04.2018].

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *