Monday , December 10 2018
Home / Eleisaun Parlamentar / Joana: Fretilin Respeita Desizaun TR, Fidelis: AMP Prontu Dezenvolve Rai Ida ne’e
Mandataria Legal partidu Fretilin, Joana Maria Dulce halo entrevista ho jornalista sira iha TR. [Foto: Virginia Pereira | 28.05.2018]

Joana: Fretilin Respeita Desizaun TR, Fidelis: AMP Prontu Dezenvolve Rai Ida ne’e

“Rezultadu ne’ebe ohin tribunal fo sai, liliu oinsa ultima dia ohin ne’e lolos sira valida 72 oras, maibe ohin liu ona, talves hare ba rekursu ne’ebe Fretilin hatama, maibe Fretilin kontinua obdese, ba desijaun ne’ebe valida husi TR”. Joana

Tribunal Rekursu anunsia ona rezultadu eleisaun antesipada parlamentar 2018, iha loron 28/05. Partidu sira ne’e konkore iha eleisaun antesipada partisia iha seremonia importante refere.

Ba jornalista sira Mandataria Legal partidu Fretilin, Joana Maria Dulce hateten partidu Fretilin kontinua respeita no obdese ba Lei no ba rezultadu ne’ebe fo sai.

“Rezultadu ne’ebe ohin tribunal fo sai, liliu oinsa ultima dia ohin ne’e lolos sira valida 72 oras, maibe ohin liu ona, talves hare ba rekursu ne’ebe Fretilin hatama, maibe Fretilin kontinua obdese, ba desijaun ne’ebe valida husi TR. ami nudar partidu segundu, sei tur hanesan opozisaun ne’ebe forte”, hateten Joana iha TR 28/05.

Joana hatutan katak partidu Fretilin ohin mai asiste konaba validasaun ne’ebe eleisau antesipada, no Fretilin kontinua kontente tanba hare ba partisipasaun taxa Fretilin nian ne’ebe aas.

Iha fatin hanesan reprezentante Aliansa Mudansa ba Progresu [AMP], Fidelis Magalhaes ba jornalista sira hateten Tribunal Rekursu proklama katak Eleisaun valida no AMP sei halo konstrusaun ba lejislatura foun, ne’ebe sei hahu hosi loron 15 depois de publikasaun.

“Sei la ohin aban karik halo publlikasaun depois ita konta iha 15 dias nia laran, sei halo tomada de pose ba parlamentu, mais bele dehan inisiu ba lejislatura foun, depois parlamentu hari tiha, depois ba meza parlamentu, iha formasaun ba governu foun tuir mai”, hateten Fidelis

Fidelis mos hateten katak AMP prontu atu assume no halo funsionamentu makina governativa iha Timor, hodi iha solusaun ba problema no dezafius iha prosesu dezenvolvimentu, “AMP manan, povu hetan konfiansa husi ita nia povu, povu fiar katak AMP nia programa diak liu, atu lori rai ida ne’e ba oin”.

Rezultadu ne’ebe proklama hosi TR hetan partisipasaun masimu hosi reprezentante partidu politiku sira, koligasaun partidaria, Comisaun Nasional Eleisau, PDHJ , media no hetan seguransa masimu hosi PNTL. * [ Virginia Pereira | Editor: Zevonia Vieira | TAFARA.TL | 28.05.2018 ]

About Virginia Pereira

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *