Monday , March 25 2019
Home / Ekonomia & Bisnis / Jornal Foun Dili Post, Sei Hahu Kompete Hodi Haburas Demokrasia Iha TL

Jornal Foun Dili Post, Sei Hahu Kompete Hodi Haburas Demokrasia Iha TL

Kompania Devita Group harii media imprimi foun Dili Post. Liu hosi seremonia lansamentu ne’ebe partisipa hosi Konselho Imprensa, SEKOMS, media nasional no journalista sira, Diretor Dili Post, Fernando da Silva iha abertura hatete katak Dili Post harii ho visaun ida atu kontribui ba dezenvolvimentu nasaun no hodi haburas demokrasia iha Timor-Leste.

Fernando mos informa katak alende Dili Post nia kontribuisaun ba harii demokrasia, Dili Post harii mos tanba hakarak loke kampu servisu ba jornalista

“Dadaun ne’e iha ita nia nasaun media nia ezistensia barak loos hanesan media cetak, elektronik no imprimi maibe hau tenta atu foti risku tanba haree katak jornalista sira lakohi atu buka fali fatin seluk atu hamahun an no sira nia esperitu nafatin mantein hamutuk ho hau tenta atu investe iha area media nian atu bele kontribui no mos halo kompetisaun ba media iha ita nia rai”, tenik Fernando

Iha fatin hanesan reprezentante hosi Konselho Imprensa, Konselho Jose Ximenes hateten katak media hanesan instrumentu ida atu buka informasaun hosi kiik to boot, tanba ne’e mak importante tebes atu dezenvolve media iha Timor-Leste. Harii media ne’e laos buat dasil ida, presiza instrumentu barak ba preparasaun atu hari media.

Jose Ximenes hatutan katak media iha influensia boot tanba bele forma opiniaun publiku. Ho nune’e treinamentu ba jornalista sira atu hatene linguajen, etika jornalismu no mos liafuan sira ne’e pontu importante. Dala barak jornalista sira hakerek sala tanba ba liafuan no mos titulu notisia, ne’e hamosu notisia ne’ebe la balansu.

Trabalhador jornalista Diariu Dili Post hamutuk 27, tuir planu sei aumenta tan numeru jornalista. Pajina Dili Post total 12, foka ba politika no ekonomia. Lansamentu Diariu Dili Post, ne’ebe hala’o iha edifisu Devita Group, hetan partisipasaun hosi Konseho Impresa reprezentante Sekretariu Estadu Komunikasaun Sosial [SEKOMS] no ho autoridade lokal. *[ Zelia Ximenes | Editor: Zevonia Vieira | TAFARA.TL | 17.11.2018]

 

 

About Zelia Ximenes

Check Also

HUCO Youth: Negosiu Resiklazen, Oportunidade Hanorin Foinsa’e Timoroan Sai Sidadaun Ne’ebe Responsavel.

Lixu nudar problema boot ida ne’ebe bele fo ameasa ba ema no animal, no risku …

Leave a Reply

Your email address will not be published. Required fields are marked *