Thursday , May 23 2019
Home / Sosial & Politika / Jornalista Hamutuk 26 Hetan Graduasaun Hosi Conselho Imprensa
jornalista hamutuk 26 hetan graduasaun hosi Conselho Imprensa. [Foto: Virginia Pereira | 15.08.2018]

Jornalista Hamutuk 26 Hetan Graduasaun Hosi Conselho Imprensa

Jornalista hamutuk 26 hetan graduasaun hosi Conselho Imprensa, ne’ebe akaba ona treinamentu fulan lima.

Iha loron graduasaun ne’ebe realiza hosi Conselho imprensa ba jornalista sira ne’ebe tuir treinamentu konaba Jurnalizmu Komprensivu, Diretora Exekutivu CI, Ana Tersa Sequera hateten, treinamentu jurnalizmu komprensivu ho materia ne’ebe intensivu. Alende hanorin sira iha sala laran, sira mos aprende oinsa atu tun ba iha kampu, halao debate ho orador sira televizaun.

“Hanorin sira hanoin atu kritiku [critical thinking. Red] iha komponente haat nia laran. Treinamentu ne’e remata ona, no ohin loron graduasaun ba sira no simu sertifikadu”, hateten Ana Teresa, iha Novo Turismo 15/08.

Ba jornalista sira Ana Sequera mos hateten katak liga ho situasuan politika ne’ebe afeta hela, laiha orsamentu estadu no ida ne’e limita CI atu halo atividades boot, maibe treinamentu komprensivu ida ne’e, hetan suporta masimu uniku hosi governu Japao, liu hosi ninia embaixada Japao iha Timor-Leste, maibe orsamentu laos CI mak maneja. CI servisu hamutuk ho UNDP, hodi fasilita treinamentu refere ne’ebe treinador sira mai hosi Indonesia, Australia, SEAPA no Timor oan.

Ana mos hateten media mak sai hanesan ponte, “se media taka nia ibun, ema mos hanoin katak demokrasia lakon ona, ema laiha liberdade atu koalia”.

Jornalista graduadu hosi media online TAFARA.TL , Henrique de Jesus ne’ebe oferese nia tempu hodi tuir treinamentu durante fulan lima, sente orgulhu ho treinamentu refere, tanba bele aprende buat barak liga ho mundu jurnalismu. Hosi treinador internasional no nasional ne’ebe iha konnesementu luang iha area jurnalismu.

“Hau hakarak hatoo agradese ba TAFARA.TL ne’ebe mak fo ona oportunidade mai hau sai hanesan jornalista voluntario iha TaTAFARA.TL, iha espasu ida ne’e mos fo tempo mai hau, bele aprende hanesan mata dalan ida,atu hau bele aprende ho hatene konaba area jornalismu nian”, hateten Henrique.

Iha parte seluk partisipante hosi Radio Komunidade Comoro, Imaculada Mendoca Espirito Santo, iha sentimentu hanesan katak sente orgulhu ho oportunidade ida ne’e, tanba bele hetan graduasaun, hosi treinamentu ne’ebe oferese hosi CI.

“Antes ne’e ami seidauk iha konnesementu klean liu konaba area jornalismu nian, sa tan ami iha radio komunidade,, maibe wainhira ami tuir ona treinamentu ida ne’e, bele aumenta tan ami nia kapasidade konaba mundu jornalismu nian”, espresa Imaculada ba TAFARA.TL

Treinamentu Jurnalizmu Komprensivu hahu iha fulan Marsu to fulan Agusto 2018. Materia ne’ebe aprezenta hosi treinador internasional no nasional sira mak hanesan data journalism, jurnalismu investigative, hanoin kritiku, oinsa hakerek ho diak, debate no seluk-seluktan.

Seremonia entrega sertifikdu hetan partisipasaun hosi embaixada Japao, embaixada Korea, Conselho imprensa, instituisaun media no jornalista sira. * [ Virginia Pereira | Editor: Zevonia Vieira | TAFARA.TL | 16.08.2018 ]

About Virginia Pereira

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *