Thursday , May 23 2019
Home / Sosial & Politika / Jose: Rezultadu Hosi Festa Demokrasia, Bele Hamosu Governu Ida ne’ebe Forte Liu
Sekretariu Jeral, Jose Agustinho da Silva halo entrevista ho jornalista sira iha palacio prezidensia. [Foto: Zevonia Vieira | 22.01.2018]

Jose: Rezultadu Hosi Festa Demokrasia, Bele Hamosu Governu Ida ne’ebe Forte Liu

Hafoin Prezidente da Republika, hasai desizaun ikus hodi hakotu empase politiku ne’ebe lao durante fulan neen nia laran, no fo fila ba povu hodi vota fila fali, liu hosi eleisaun antesipada.

Iha tempu hanesan Prezidente da Republika mos dissolve parlamentu nasional, tuir nia kompetensia ne’ebe hakerek iha KDRT artigu 86, alinea [f]. relasiona ho situasuan ida ne’e, TAFARA.TL halo entrevista ho deputadu bankada KHUNTO, Jose Agustinho da Silva, hodi hatoo nia hanoin. Agustinho hateten tuir ajenda ne’ebe tuir rejimentu parlmentu nasional preve, katak loron segunda no terca feira ne’e iha plenaria. Liu hosi plenaria kompetensia Prezidente Parlamentu Nasioal, hodi halo konvokatorio kona ba oinsa atu deside ajenda plenaria.

“Desizaun husi ita nia Prezidenti da Republika, sobre parlanmentu nasional, mesmo que nune parlamentu funsiona nafatin, haloa nia knaar hodi bele estabelese komisaun permanente iha ne’e. Asumtu ida ne’e tenke delibera liu husi plenaria, agora fila fali ba Prezidenti Parlamentu ho ides bankadas sira, para bele kria asumtu ida ne’ee, kria komisaun ba diskusaun plenaria ba asuntu refere”. Hateten Jose Agustinho.

Deputadu Jose iha esperansa boot katak rezultadu husi festa democrasia ida ne’e, bele hamosu ou governu ida ne’ebe mak forte, signifika nian base iha parlamentu tenke maioria, nune bele garante estabilidade governativa.

Liga ho preparasaun ba kampanna eleitoral, iha uma fukun parlamentu nasional, 29/01, Sekretariu Jeral partidu KHUNTO ne’e afirma katak, lideransa masimo partidu tolu, hanesan Kay Rala Xanana Gusmao, Jose do Santos ‘Naimori Bukar’, no Taur Matan Ruak, asina ona plata forma ba koligasaun no plata forma ida ne’e nia durasaun to tinan 2022 no plata forma refere nudar politika AMP nia.*[Virginia Pereira | Editor: Zevonia Vieira | TAFARA.TL | 29.01.2018]

About Virginia Pereira

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *