Saturday , May 25 2019
Home / Sosial & Politika / Joven Involve iha Krimi no Violensia Hamutuk 200 Kazus Iha Tinan 2017
[Foto: daqui.opopular.com.br].

Joven Involve iha Krimi no Violensia Hamutuk 200 Kazus Iha Tinan 2017

Involvimentu joven iha krimi no violensia kontinua buras iha Timor-Leste tuir dadus ne’ebe mak Polisia Nasional hetan iha Tinan 2017.

Refleta ba rezultadu sensus tinan 2015, maioria populasaun juventude mak ho idade jovens. Sira hola parte subtansial tebes iha sosiedade nia laran. Joven ho idade 15-24, nu’udar defini iha Polítika Nasional Juventude, ho númeru kuaze 21% husi total populasaun sensus tinan 2015 mak 1,187,243.

Ho maioria Joven ne’ebe egiste iha Timor-Leste kondisaun  ba krimi no violensia ne’ebe invelvo Joven sira kontinua aumenta husi tinan ba Tinan tuir dadus ne’ebe publika husi parte PNTL.

Tuir dadus krimi no Violensia husi komandu Jeral PNTL, Julio Hornay iha tinan 2017 nia laran hetan ona 200 kazus krimi no Violensia ne’ebe mak involve husi Joven sira, “iha 2017 joven idade 10-19 total 200 kazus 20-29, 778 kazus ne’ebe maka ita nia joven sira sai suspeitu”.

Komandu PNTL ne’e hatutan liu tan katak kazu ne’ebe iha laos deit ba idade joven maibe ba mos iha idade minoridade sira. Lei la kondena ema ho idade monoridade no sira uza oportunidade ida ne’e hodi halo krimi.

Ativista Feto halo mundansa Maria Abrantes ba Jornalista TAFARA.TL hateten hare’e kazu ne’ebe tuir dadus PNTL nian ne’e grave tebes.

“Problema ne’ebe involve Joven sira ne’e grave tebes, tuir hau nia joven sira involve hodi halo krimi ne’e tamba sira la iha atividade ruma mak sir abele halo hodi hases tia sira husi problema ne’ebe mak sira hasoru,” hateten Abrantes.

Iha parte seluk Menbru PFN husi municipiu Ermera, Frederico Fernandes hateten ba TAFARA.TL katak papel PFN nian maka oinsa bele foti problema ne’ebe akontese ba joven sira hodi bele relata ba governu atu toma atensaun.

“Kazu ne’ebe involve husi Joven sira ita hare bo’ot tebes agora papel PFN nian mak oinsa atu hateten ba Governu hodi tau atensaun makas ba Joven sira hodi bele lori sira ses husi sitausaun hirak ne’ebe sira hasoru,” haktuir Frederico.* [Jesuino Marcal de Jesus | TAFARA.TL | Editor: Zevonia Vieira | 14.12.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *