Thursday , May 23 2019
Home / Eleisaun Parlamentar / Juaquim: Militantes Soe Lixu Arbiru Estraga Imajen Ladiak PARPOL
Lixu plastiku hosi hahan no bee hosi aqua plastiku soe arbiru iha Tasi Tolu bainhira PARPOL sira halo kampanna politiku.[Foto: Luis Soares | TAFARA.TL | 18.07.2017].

Juaquim: Militantes Soe Lixu Arbiru Estraga Imajen Ladiak PARPOL

Lixu nakonu iha fatin kampanna, tempu kampanna ema haluha oinsa hadomi ambiente, oinsa hadook rai ne’e hosi foer, haluha impaktu lixu ba ambiente, asumtu ambiente la importante?

Ema ne’ebe servisu iha Gestaun Merkadun, Joaquim Ranga, bainhira dadalia ho jornalista TAFARA.TL iha Tasi Tolu, hateten katak maioria Partidu Polítika sira mai kampaña beibeik iha ne’e, no fatin ne’e nakonu ho lixu.

“Hanesan Timor-oan ita hakarak hadia ita nia nasaun ida ne’e, tenke toma atensaun ne’e, militante soe lixu arbiru, estraga imagen ladi’ak ba partidu no lideransa sira”, hateten Juaquim.

Juaquim informa ba TAFARA.TL katakdurante partidu sira mai halo Kampanna iha ne’e, sempre fó hanoin ba komisaun partidu sira, maibé kampaña hotu aruma sira nia sasan fila tiha, laiha konsiensia hodi soe lixu iha fatin, han tia nasi kotak soe namkari hela iha ne’e, wainhira anin hu tenki lori hotu ba komunidade ne’ebé hela besik iha área ne’e.

“Ita nia lideransa Partidu Polítika sira laiha toma atensaun ba militante, haan tia soe de’it lakoi tau iha lixu fatin signifika la iha konsiensia, kampaña hodi halekar lixu sira iha fatin istoria”, dehan Joaquin.

Iha fatin hanesan Seguransa DNSPP, Andre Maia iha área Tasi Tolu, hateten fatin ne’e fatin Santo 1989 Amo Papa mai iha fatin ne’e. Ema sempre dehan fatin santo maibé agora Timor-oan sira la konsidera ona fatin santo ne’e no koidadu nia ambiente fatin ne’e.

Andre husu ba Partidu Politika sira, bainhira halo kampaña iha area Tasi Tolu, tenke aviza ba militante sira, sekarik fila limpeza lixu ne’ebé mak namkari hela iha Bandeira Rin no Uma Adat.

“Komunidade tenke respeita, tanba fatin ne’e tinan-tinan governu sempre komemora loron nasionál liu-liu 20 de Maiu no Loron FALINTIL 30 de Agustu no Igreza sempre komera loron boot sira iha fatin ne’e. Ita tenke respeie tanba ema barak mos mate, tanba de’it hakarak ukun rasik an, maibe komunidade, joven nunka respeita”, tenik Andre.

Iha parte sorin Negosiante Atina da Silva, ba jornalista TAFARA.TL dehan durante Partidu Polítiku sira halo kampaña iha fatin ne’e, sempre nakonu ho lixu. Ho nune’e Atina husu ba Partidu politiku sira mai halo kampaña karik, hamos kedan foer sira ne’e, selae saneamentu sira la mai dasa, se mak atu dasa, ami dasa iha de’it fatin i ami fa’an sasan, ami labele dasa hotu iha area ne’e ami kolen” konfesa Atina iha Tasi Tolu.

Atina mós husu ba Saneamentu Munisipiu Dili, tenki tau mos Lixu fatin iha area ne’e atu nune’e partidu sira halo kampaña hotu, haruka nia militante sira limpeza tutuir lixu iha fatin ne’e, no ami negosiante kiik sira mós bele lori lixu sira ba tau iha fatin.

Kampanna programa politiku parte ida hosi edukasaun sivika, oinsa hanorin miltantes no simpatizantes atu hateten lae ba hahalok nebe la diak, hodi estraga imajen nasaun. Partidu sira koalia kona ba dezenvolvimentu pais, povu sai hosi mukit, defende direitus humanus, justisa, ekonomia, saude no edukasaun, maibe sira haluha tiha oinsa eduka sira nia militante no simpatizantes atu hadomi ambiente. Oinsa mak ita tane as interese nasional, se karik ita rasik la hadomi ambiente?.* [Luis Soares | TAFARA.TL | Editor: Zevonia Vieira | 18.07.2017].

About Luis Soares

Luis Soares, Jornalista TAFARA.TL desde tinan 2015 ate a data.

Check Also

PR Sei Estuda Lista Membrus Governu, Lú Olo: Hakarak Garante Bem Estar Do Estado

“Prezidente da Republika sei estuda hela, se to loron ida kazu hosi A ka B …

Leave a Reply

Your email address will not be published. Required fields are marked *