Tuesday , March 26 2019
Home / Sosial & Politika / Julio Hornai: Membru PNTL Imparsial no Unidu Iha Situasaun Saida Deit
Membru Policia Nacional Timor-Leste. [Foto: copyright The Timor News].

Julio Hornai: Membru PNTL Imparsial no Unidu Iha Situasaun Saida Deit

Haktuir ho situasaun politika atual iha rai laran, Komandante Jeral Polisia Nasional Timor-Leste [PNTL] Julio Hornai afirma PNTL imparsial no unidu hodi garante seguransa iha teritóriu nasional.

Afirmasaun refere nia hato’o via telefone, iha Dili, Quinta-feira (25/01/2018) semana ne’e wainhira hatan pergunta hosi Chefe Redasaun TAFARA.TL Zevonia Vieira relasiona ho impasse (kebuntuan) politika atual iha rai-laran.

“PNTL iha ona orientasaun klaru husi Komandante Jeral ba Komandantes Municipios, Komandante Unidades, Ofisiais PNTL no Sarjentu tomak, mantem nafatin pozisaun ne’ebe hakerek ona iha Konstituisaun Republika, hatudu nafatin ita nia neutralidade, ita nia imparsialidade, iha atuasaun, iha prevensaun, iha ne’ebe deit, mantem nafatin ida ne’e, ita la’os Ema Politiku, ita bele aprende pulitik, ita bele hatene pulitik maibe proividu ita involve direita iha pratika politika,” deklara Julio Hornai.

Komandante Jeral akresenta, karik membru PNTL ruma la imparsial, la unidu, sei iha desijaun, inklui submete ba prosesu dixiplinar hodi bele kondena. Tanba ne’e iha regras hotu-hotu ne’ebe fo atu servisu, iha regras ida fali atu kontrola, prosesa no dimiti, ou fo sansaun ruma, hateten Julio Hornai.

Julio husu se membru PNTL balun hakarak hala’o politika, primeiru husu rejiknasaun ba vida sivil depois mak bele hala’o ita nia direitu tuir konstituisaun haruka. Maibe, desde ke sei iha instituisaun nia laran, Julio Hornai husu ba membrus tomak atu mantem nafatin ida-idak nia-an hodi fo seguransa ba ita nia povu no ita nia rai doben Timor ida ne’e, sem intervensaun, sem haliis ba ema ida.

Julio Hornai husu ba nia maluk PNTL Munisipius 13, iha kapital no mos iha fronteira, ho membrus tomak, servisu hamutuk ho forsa defeza Timor-Leste, hodi asegura estabilidade no paz. Tamba karik iha problema ruma maka mosu, nu’udar Timor-Oan maka sei senti terus, i ita lakoi ida ne’e, ita hakarak estabilidade no paz mak iha ita nia rai. Nune’e ita bele hatudu ba mundu katak Timor bele estabelese seguransa ne’ebe diak iha nia rai doben Timor-Leste.

Imparsialidade no neutralidade nu’udar prinsipiu PNTL nian ne’ebe temi ona iha Livru Konstituisaun RDTL Artigu 147, kona-ba Polísia no forsa seguransa sira, ne’ebe iha aliñea dahuluk sita katak, ‘Polísia sei defende legalidade demokrátiku no garante sidadaun sira-nia seguransa internu, maibé sira labele iha partidu polítiku.’* [Martinho Moniz & Zevonia Vieira | TAFARA.TL | Editor: MC Moniz | 25.01.2018].

About Martinho Moniz

Martinho Moniz nudar Managing Editor no Sekretariu Redasaun TAFARA.TL.

Check Also

Prezidente da Republika Promulga OJE 2019

Prezidente da Repúblika, Dr. Francisco Guterres Lú Olo, ohin, promulga Lei N. 5/V-Orsamentu Jerál Estadu …

Leave a Reply

Your email address will not be published. Required fields are marked *