Saturday , November 17 2018
Home / Sosial & Politika / Juventude Mak Nain ba Paz, Jonato: Tenke Respeita Kultura, Relijiaun no Partidu Sira
International Youth Peace Group (IYPG) iha Timor-Leste no International Woman Peace Group (IWPG) iha Timor-Leste, halao marca ba dame. [Foto: copyright IYPG | 05.05.2018]

Juventude Mak Nain ba Paz, Jonato: Tenke Respeita Kultura, Relijiaun no Partidu Sira

“Atu moris iha diversidade unidade nasionál, signifika katak tenki moris iha multikultura no multipartidaria, ita tenki respeita ema nia kultura, relijiaun no partidu sira”. Jonato Luciano

International Youth Peace Group (IYPG) iha Timor-Leste no International Woman Peace Group (IWPG) iha Timor-Leste, nu’udar grupu internasional ne’ebé mak inklina ba organizasaun non-profit, Heavenly Culture, World Peace, Restoration of Light (HWPL) iha Correa do Sul.

IYPG hamutuk ho movimentu juventude oi-oin ne’ebé mak organiza seminariu ho tema ‘Jovenutde sai sentru ba unidade nasionál hodi promove Diversidade iha unidade nasionál,’ seminariu ne’e ho objetivu rua mak hanesan fó asaun solidaridade internasionál ba Correa do Sul no Correa do Norte ne’ebé mak iha tinan barak mak la simu malu, maibé ohin loron sira simu malu ona.

Portavoz, Jonato D.S Luciano liu hosi entrevista katak objetivu prinsipál husi seminariu ne’e mak refleta ba situasaun polítika ohin loron akontese dadauk, oinsá atu hatudu imajen juventude ba sosiedade tomak, liu-liu ba povu doben Timor-Leste, atu luta ba paz sustentabilidade. Luta ba paz ne’e la’os aspetu ida mai de’it husi instituisaun governu, maibe ida ne’e tenki mai husi juventude tomak, signifika juventude mak tenki sai na’in ba dame.

Jonato salienta mos katak papel importante husi juventude mak bele partilha informasaun paz ba sosiedade tomak, liu-liu ba povu doben Timor ida ne’e, atu bele komprende oinsá atu luta ba paz.

Ho situasaun politika agora, Jonato husu ba partidu polítiku sira ne’ebe hala’o hela kampaña eleitorál, atu moris iha diversidade unidade nasionál, signifika katak tenki moris iha multikultura no multipartidaria, “ita tenki respeita ema nia kultura, relijiaun no partidu sira”.

Membru organizasaun Timor-Leste Youth For Peace [TLYFP], Maria Alexandra Vileta Fame, iha eventu ne’e hateten wainhira ita la kria dame iha ita nia an, lalika hanoin atu luta ba harii dame tamba dame hahu husi ha’u [an rasik. Red]

Iha fatin hanesan, Prezidente grupu ECC, Bazilio Madeira hanesan mos lider ne’ebé halibur nia foinsa’e seluk iha grupu klase ko’alia lian English ne’e, esplika kria atividade sira ida ne’e mós parte ida kontribui ba dame.

“Promove dame ne’e liu husi varius oi-oin. Dame ida mak kria atividade hanesan ne’e, ida ne’e faz parte ida ba kontribuisaun dame ba ita nia komunidade no nasaun ida ne’e”, dehan Basilio

Seminariu ne’ebe halao iha loron 5/05 iha edifisiu eiz SEJD, partisipa mos reprezenta hosi Centro Nasional Chega! [CNC], Fernando Antonio da Costa ne’ebe koalia konaba Lae ba Krimi Eleitoral no eis Sekretariu Estadu Juventude e Desportu, Leovigildo Hornay koalia konaba nia partisipasaun iha prosesu konstrusaun estadu.

Atividade ne’e partisipa husi grupu no movimentu juventude ne’ebé mak luta ba dame hanesan English Class Conversation (ECC), Juventude Dezenvolvimentu Nasionál (JDN), Juventude Asaun ba Futuru (JAF), Timor-Leste Youth For Peace (TLYFP), ROTARAC no mos oragnizasaun sira seluk.

Alende halo seminar, IPYG iha Timor-Leste mós hala’o marsa ba dame hodi hamosu deklarasaun dame husi juventude sira no hato’o solidaridade internasional ba Korea do Sul no Korea do Norte ne’ebé mak halo ona rekonsiliasaun. *[Maria do Ceo | Editor: Zevonia Vieira | 07.05.2018]

About Maria do Ceu Gusmao

Maria do Ceu J.O. Gusmao, Jornalista, Webmaster no Marketing Officer iha TAFARA.TL desde tinan 2015 ate a data.

Check Also

Lú Olo: Juventude La Hakarak Promesas no Hakribi Atitude Koruptu

Hau fiar katak joven sira iha talentu atu hamosu no habelar idea foun no tau …

Leave a Reply

Your email address will not be published. Required fields are marked *