Sunday , June 24 2018
Home / Sosial & Politika / Juvinal Dias: Opozisaun Devia Koalia Konaba Vantajen no Desvantajen VII Governo
Juvinal Dias.[Foto: Zinho MD | TAFARA.TL | 16.10.2017].

Juvinal Dias: Opozisaun Devia Koalia Konaba Vantajen no Desvantajen VII Governo

Reprezentante sosiedade civil hatete plenaria aprezentasaun VII Governo Konstitusional ne’e hetan deit apresiasaun politik, Deputadu sira la koalia vantajen no desvantajen programa nian. Ministru Adriano hatete opiniaun hosi opozisaun ne’e normal.

Iha aprezentasaun durante oras 4 nia laran ne’e, hetan prezensa husi publiku liu liu husi sociedade civil Lao Hamutuk, Juvinal Dias, tuir nia observasaun ba plenaria ida ne’e la lao ho debate Programa maibe koalia deit konaba interese Politika.

“Partidu Opozisaun la konsege koalia konaba vantajen no desvantajen Programa Governu. Opozisaun so koalia deit konaba sira nia interese politiku, ne’e lalos. Opozisaun iha obrigasaun atu koalia konaba programa,” hateten Juvinal Dias.

Iha fatin hanesan Ministru na Presidensia de Conselho Ministro, Adriano do Nacimento ba Jornalsita TAFARA.TL hateten katak opiniaun husi opozisaun ne’e normal.

“Partidu ida-idak iha nia opiniaun ba apresiasaun ne’e normal, depois mak ita hare’e tok iha votasaun sira atu halo saida, tamba mosaun autorizasaun ga afavor,” tenik Adriano.

Tuir observasaun husi Jornalita TAFARA.TL nian katak iha plenaria ida ne’e lao ho hakmatek tamba hetan seguransa masimu husi PNTL no observador sira ne’ebe koopera diak tebes ba sesaun aprezentasaun ida ne’e.

Iha aprezentasaun programa VII Governo Konstituisional ne’ebe lidera husi Primeiru Ministru remata ona iha sesaun meudia no sei kontinua iha sesaun loro-kraik.

Iha dokumentu programa VII konstituisionál ho objetivu sira  iha pilar hat ne’e,inklui  ida mak Apoiu ba Ema Vulneravel Sira iha Dezenvolvimentu Sosiál,  hadiak liutan sustentabilidade insfraestrutura sira, nudar parte hosi Dezenvolvimentu Infraestrutura, hasa’e Rendimentu Liu Husi Kriasaun ba Empregu, iha Dezenvolvimentu Ekonómiku no Garantia ba Defeza, Seguransa no Estabilidade Nasionál ,no Modernizasaun Instituisionál.

Programa VII governo ho vizaun “Povu ka populasaun Timor-Leste nia kualidade moris aumenta di’ak liu tan, liu husi aumentu as liu tan sira nia kualidade saúde, kualidade edukasaun, aksesu ba enerjia no be mos, kualidade alimentasaun, habitasaun ne’ebé dignu, no ho nune’e populasaun ho sidadaun ida-idak sei moris iha kondisaun, situasaun no ambiente ne’ebé livre, dame, justu, aolidaria, toleransia, no seguru liu tan.”

 Programa ne’e elabora bazeia ba komponente tolu; Ida, Konstituisaun husi programa no atividade VI Governu; Rua, PEDN 2011—2030, liliu implementasaun PEDN segunda faze (2016-2020) no ODS; Tolu, Komprimisio eleitoral partidu FRETELIN no PD, nomos fo konsiderasaun as ba preokupasaun husi partidu hirak ne’ebé iha asentu parlamentar hanesan Partidu CNRT, PLP no Partidu KHUNTO.* [Jesuino Marcal de Jesus | TAFARA.TL |Editor: Ato ‘Lekinawa’ Costa | 16.10.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

Sistema Online Iha Klinika Becora, Fasilita Inan Isin Rua Sira

Saude nudar seitor importante iha ema ida nian moris, ho saúde ne’ebe diak sei salva …

Leave a Reply

Your email address will not be published. Required fields are marked *