Wednesday , January 17 2018
Home / Sosial & Politika / Juvinal: Fatin Tuda Kareta Estadu Dook Hosi Fatin Manifestasaun, Laos Responsabilidade tomak MUTL
Manifestasaun anti lelaun Prado, rezulta kareta 13 estragadu. Foto Kareta Estadu ne'ebe Estragadu. [Foto Luis Soares | TAFARA.TL | 22.08.2017].

Juvinal: Fatin Tuda Kareta Estadu Dook Hosi Fatin Manifestasaun, Laos Responsabilidade tomak MUTL

Asaun Manisfestasaun hosi Movimentu Universitariu Timor-Leste, ne’ebe rezulta kareta estadu hamutuk 13 rahun.

Bainhira jornalista sira konfirma ho Segundu Komandante PNTL Municipio Dili Superintendente Asistente, Euclides Belo hateten manifestasaun ne’ebe halao hosi MUTL, polisia konsege kaptura 13 pesoal no agora dadauk iha prosesu investiagsaun, hodi lao tuir prosidementu legal.

Komandante Euclides afirma katak, manifestasaun ne’e falta kontrolu husi organizadór sira ne’ebe maneza atividade, tanba la tuir akordu ne’ebé mak sira hatoo ba komando PNTL, kareta ne’e rahun toma respozabilidade sira nian.

“Kareta estadu ne’ebé mak rahun, la iha pihak ketiga, ami hatene se mak organiza asaun nee,  mak toma responsabilidade. Kareta  estadu lori estadu nia osan hodi sosa,  la’os lori sira nia osan rasik, sira uza kareta ne’e hodi servisu, atu servi povu hodi dezenvolve rai ne’e.  Atetude hosi manifestante sira ne’e hatudu  anarkizmu,” esplika Euclides.

Hosi esplikasaun Komandante Euclides mos hateten katak, asaun manifestasaun ne’e mos rezulta membru policia nain tolu mos kanek, maibe ida ne’e hanesan knaar policia nian.

Iha parte seluk  Membru Movimentu Universitariu Timor Leste (MUTL) no Estudante UNTL, Juvinal Dias, ba jornalista TAFARA.TL hateten manifestasaun ne’e konsentra iha museum rezistensia nia oin no estragus akontese iha Audian besik loza 88.

“Manifestasaun ne’e halao iha museum resistensia nia oin,  fatin ema tuda kareta estadu ne’e fora  de area hosi fatin manifestasaun no la’os responsabilidade tomak hosi MUTL”, esplika Juvinal Dias.

Juvinal Dias mos konfirma katak, MUTL nian servisu laos atu kontrola area sira fora de asaun iha  kapital laran tomak, MUTL nian servisu  hodi responsabiliza deit ba asaun iha area manifestasaun, hodi halo protesta ba membru parlamentu nasional sira ne’ebe hakarak halo lelaun kareta prado. Liga ho tuda kareta estadu ne’e, polilisia nia responsabilidade tanba polisia mak servisu ba ordem publiku nian.

Akontesementu ne’e akontese tuda kareta ne’e akontese iha loron 21/08, bainhira MUTL sira halo demonstrasaun hodi kontra lelaun kareta prado.* [Luis Soares & Zevonia Vieira | TAFARA.TL | 22.08.2017].

About Equipa Tafara

Artigu ida ne'e kobertura no hakerek konjunta/hamutuk entre Jornalistas no/ka kontribuidor TAFARA.TL.

Check Also

Luis: PPN Blokea Ajenda Hosi AMP, Branco: AMP Husu Ajenda Ba Sira nian Interese

“Akontese maka ajenda deit, ba interese grupu ninian, atu hadau poder, entaun ami hare katak …

Leave a Reply

Your email address will not be published. Required fields are marked *