Thursday , May 23 2019
Home / Eleisaun Parlamentar / Kaben Hosi Deputados IV Lejislatura Husu Sira Nia Kaben Entrega An Serbi Povo
Familia husi Deputadu/a iha Parlamento Nacional tur hodi rona hela sesaun planaria.[Foto: Zinho MD | TAFARA.TL | 06.09.2017].

Kaben Hosi Deputados IV Lejislatura Husu Sira Nia Kaben Entrega An Serbi Povo

Iha loron 5 fulan setembru 2017, Timor-Leste liu husi Parlamento Nacional forma tan lejislador ba dahat ba periodu 2017 to’o 2022 hodi fiskaliza no kontrola ezekusaun orsamentu durante siri nia mandatu.

Domingos Alves nu’udar kaben husi Deputada Noemia Siqueira, hateten ida ne’e hanesan inisiu ida, atu nune’e bele lori aspirasaun povu nian ba iha parlamento.

“Ha’u hanoin ida ne’e hanesan inisiu ida, responsabilidade oinsá atu lori aspirasaun husi povu ne’ebé mak durante ne’e ba halo kampaña. Oinsá atu realiza iha uma fukun Parlamentu. Ida ne’e mak sai hanesan motivasaun ba ha’u nia ferik oan iha parlamentu ne’e,” konfesa Domingos ALves.

Nia mós husu ba nia kaben atu simu kritika hotu hanesan kontribuisaun husi ema nian ne’ebé konstrutivu, hodi hadia naksalak ne’ebé mak iha no nafatin hanoin pozitivu ba ema nia hanoin kritika hotu.

Uma fukun Parlamento Nasional ho lejislador ba dahat nian kompostu husi membru deputadus 65 mai husi bankada Partidu FRETILIN, CNRT, PD, PLP no KHUNTO. Depois remata tiha toma de posse ba deputadus, jornalista TAFARA.TL hakbesik ba familia deputadus nian hodi husu sira nia sentimentu ba kargu ida ne’ebé mak sira nia familia hetan.

Prima husi Deputadu Patricio husi bankada Partidu CNRT, Mena Oliveira hato’o nia sentimentu nu’udar familia ne’ebé mak hetan cargo ne’e.

“Sentimentu babain de’it, hanesan sidadaun Timor-Leste. Ida ne’ebé mak sai hanesan responsabilidade moral ne’e mak tenki fó tempu barak liu atu serbi povu. Atu servi povu ba durasaun ida tinan lima ne’e, totalmente familia tenki suporta sira ne’ebé mak ba tur iha Uma Fukun ne’e, tanba sira ema nasaun nian totalmente tenki entrega ba nasaun atu sevi povu ne’e ho onestidade,” dehan Mena Oliveira ba Jornalista TAFARA.TL iha Parlamento Nacional, 05/09.

Nia mós akresenta tan, “wainhira sidadaun ida mak tama iha polítika tenki mengiklaskan buat hotu. Tanba ne’e mak ita nia familia ida ba iha polítika tenki hanorin ba nia familia sira, hatete katak ha’u ba ona iha polítika, jadi buat ruma akontese, ema bele trata a’at ha’u, ema bele ko’alia a’at ha’u, ema bele tolok, ema bele manipula saida de’it. Imi tenki simu, tanba ha’u ba iha ne’ebá fatin ida ne’ebé ema hotu presija tanba ida ne’e ema insulta la’os insulta ha’u pesoál maibé ema ataka tanba polítika.”

Iha sorin seluk, wainhira jornalista TAFARA.TL dadalia ho kaben hosi Deputada Armanda Berta dos Santos, husi deputada bandaka Partidu KHUNTO, Jose dos Santos hateten ho orgullu, la’os de’it tanba nia kaben sai deputada maibé orgullu ba ema hotu-hotu.

“Ida ne’e mak ita hotu nia luta iha interese ida, interese ida signifika oinsá iha hanoin di’ak ba iha nasaun ida ne’e. La’os tanba ha’u nia ferik oan ou familia ba iha deputadu, ministru mak ha’u foin orgullu ba ida ne’e la’e, ha’u orgullu ba ema hotu-hotu.”

Nune’e mós nia dehan tan  konsekuensia nu’udar partidu tenki simu tanba ne’e buat ida polítik ne’e nia situasaun mak ne’e ona, tanba ne’e presija simu. Ne’ebé atu di’ak, atu a’at mós ida ne’e konsekuensia, ita tenki simu.* [Maria do Céu & Jesuino Marcal de Jesus | TAFARA.TL |Editor: Ato “Lekinawa” Costa | 06.09.2017].

About Jesuino Marcal de Jesus

Jesuino Marcal de Jesus, Jornalista, Webmaster no mos nudar Business Manager TAFARA.TL.

Check Also

MEDSOS Sai Obstaklu Ba Servisu Jurnalismu, Akara: Tenke Halo Edukasaun Sivika Konaba Internet Saudavel

“Kna’ar importante hosi jornalista professional sira atu fo informasaun ne’ebe los, kredibel ba publiku, no …

Leave a Reply

Your email address will not be published. Required fields are marked *