Thursday , February 21 2019
Home / Sosial & Politika / Kalendariu Operasional Ba EA 100% Sei Akontese Iha Teritorio Tomak
Diretor Geral Sekretariadu Tekniku Administrasaun Eleitoral [STAE], Acilino Manuel Branco [Foto: Timor Agora]

Kalendariu Operasional Ba EA 100% Sei Akontese Iha Teritorio Tomak

Relasiona ho eleisaun antesipada ne’ebe sei akontese iha loron 12 Maiu, Comisaun Nasional Eleisaun no STAE kontinua halao esforus hodi halao atividade liga ho eleisaun.

STAE no CNE halao sorumutu ho Prezidente Autoridade, RAEOA ho Komandante Polisia Municipio 12, ho tema “Preparativus ba eleisaun antesipada parlamentar 2018”

Enkontru ne’ebe realiaza iha salao Delta Nova, 22/02, Diretor STAE, Acelino Manuel, iha deskurusu hateten iha tempu STAE ho CNE halo hela atividade no akompanna lalaok atividades iha terenu, hanesan edukasaun sivika ne’ebe halao hosi CNE no STAE.

“Nudar orgaun tekniku ne’ebe maka sai nudar sentru konsentrasaun ba iha aktus operasional hotu, iha interasaun ba Ministeriu Estatal. hau hanoin katak presiza duni atu estabelese enkontru redasaun ida hanesan nee, para bele haree hamutuk kestaun operasional sira ne’ebe maka sei akontese, hodi hasoru eleisaun antesipada”, hateten Acelino.

Acelino akresenta katak, atividades sira ne’ebe maka define ona iha kalendariu operasional mais menus kuaze 100% sei akontese iha nivel Munisipiu, Postu administrativus, too ba iha suku no sentru votasaun sira, “hakarak ka lakohi ita hotu ne`ebe hola parte iha nee, tantu komando PNTL Munisipius, autoridaes Munisipal sira, reprezentantes Munisipius, Administrador Munisipiu, Postus Administrativus too ita nia lideransa komunitarius sira, Xefe suku, Xefe aldeia sira mos fo sira nia kontribuisaun, ida nee importante atu bele garante dala ida tan, ita nia eleisaun ne’ebe bele lao ho susesu”.

Tuir STAE katak memoria kona ba eleisaun ne’ebe ultrapasa ona, katak eleisaun lao ho susesu tebes no marka istoria iha Timor-Leste. Presiza komimentu no esforsu hodi bele garanre susesu ba eleisaun antesipada ne’ebe besik ona. *[ Emanuel A. De Araujo | Editor: Zevonia Vieira | TAFARA.TL | 23.02.2018 ]

About Emanuel Andrade

Check Also

Kursu Promosaun Ofisial Inspetor PNTL, FM: Sei Hamosu Deskonte Barak

Ministeriu Interior hasai Diploma Ministerial N.o 35/2018 de 29 de Novembro hodi halo promosaun ba …

Leave a Reply

Your email address will not be published. Required fields are marked *